Me golin e vetëm të shënuar nga Lionel Messi, përfaqësuesja e Argjentinës e nisi me fitore fushatën e kualifikimeve për Botërorin e vitit 2026.
Në ndeshjen e parë të kualifikimeve për Amerikën e Jugut, mbrëmë Argjentina mposhti Ekuadorin me rezultat 1:0, me golin që Messi e shënoi nga goditja e lirë në minutën e 78-të.
Ky është goli i 104-të i tij në 176 paraqitje për Argjentinën.
Në ndeshjet e tjera kualifikuese të Botërorit 2026 për zonën e Amerikës së Jugut, Kolumbia mposhti Venezuelën 1:0, ndërsa Paraguai barazoi pa gola me Perunë.
