Lajme

Senatorët i kërkojnë “llogari” Blinkenit për diskriminimin e shqiptarëve në Luginën e Preshevës

Published

3 years ago

12 September, 2023

Dy senatorët amerikane i kërkuan përmes një letre sekretarit të jashtëm Antony Blinken llogari për diskriminimit që Serbia po u bën shqiptarëve në Luginën e Preshevës, transmeton Top Channel.

Bashkëkryesuesit e Grupit për Çështje Shqiptare në Senatin e Shteteve të Bashkuara, Joni Ernst dhe Gary Peters i janë drejtuar kreut të diplomacisë amerikane për kauzën e shqiptarëve etnikë atje.

Ishte Fatos Bislimi, anëtar i bordit të Ligës Qytetare Shqiptaro-Amerikane, që e njoftoi këtë gjë në faqen e tij të Facebook, shoqëruar me foton e letrës së firmosur nga të dy ligjvënësit në fjalë. Kërkesa e drejtuar Blinkenit është që të ngrejë temën e çështjes shqiptare në Luginë në çdo komunikim apo takim me autoritetet serbe.

“Letra nënvizon faktet tanimë të vërtetuara ndërkombëtarisht, qoftë përmes Raporteve të vet Departamentit të Shtetit apo edhe Rezolutës së Parlamentit Europian të Majit 2023, mbi diskriminimin shtetëror ndaj shqiptarëve në Luginë, me theks të veçantë, pasi vizimin e adresave si metodë administrative e spastrimit etnik”, ka shkruar Bislimi.

Senatorët apelojnë aty për zbatimin e Planit Shtatëpikësh për të drejtat shqiptare në Luginë i pranuar edhe nga Serbia që më 2013.

“Që nga ajo kohë, progresi i Beogradit zyrtar në implementimin e këtij plani, ka qenë i kufizuar. Asnjë nga pikat prioritare nuk është realizuar në tërësi, ndërsa tek përfaqësimi në institucione qeveritare, nuk ka pasur aspak progres,” thuhet në letrën që vjen vetëm pak muaj pas një hapi të ngjashëm të kongresmenëve Jim Himes e Richie Torres, drejtuar po sekretarit Blinken me në fokus Luginën e Preshevës.

Related Topics:Antony Blinken Kosove ShBA

Up Next

Një i burgosur arratiset nga Burgu i Dubravës

Don't Miss

Gjermania kërkon zbatimin e Marrëveshjes drejt normalizimit mes Kosovës dhe Serbisë

Click to comment

Kosovë

Tre të lënduar në aksidentin mes trenit dhe veturës në Klinë

Published

52 mins ago

22 September, 2026

Redaksia

Tre persona mbetën të lënduar si pasojë e një aksidenti mes trenit dhe veturës në fshatin Jagodë të Klinës.

Sipas njoftimit, rasti është raportuar mëngjesin e sotëm rreth orës 06:10.

Të lënduarit janë dërguar për trajtim në Spitalin Rajonal të Pejës dhe janë jashtë rrezikut për jetë.

Në vendngjarje hetimin është duke e kryer ekipi nga Autoritetit Kombëtar të Hetimit të Aksidenteve dhe Incidenteve Aeronautike, Hekurudhore dhe Detare (KHAIA).

Ferizaj

Një burrë theret me kaçavidë nga dy persona në Ferizaj

Published

2 hours ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Arbëri

“Arrest shtëpiak” për drejtoreshën e Shërbimit Informativ Shqiptar, Vlora Hyseni

Published

2 hours ago

22 September, 2026

Redaksia

Prokuroria e posaçme në Shqipëri (SPAK), ka ngritur kallëzim penal ndaj drejtoreshës së Shërbimit Informativ të Shtetit Vlora Hysenin, nëN dyshimin për përkrahje të autorit të krimit dhe nxjerrje të sekretit shtetëror. Me kërkesë të prokurorisë, Gjykata Posaçme për Korrupsionin dhe Krimin e Organizuar (GJKKO) i ka caktuar Hysenit masën e sigurisë “arrest shtëpie” edhe pse ajo aktualisht nuk ndodhet në Shqipëri.

Ndaj saj është vendosur edhe masa e pezullimit nga detyra.

Përndryshe, Vlora Hyseni ka shërbyer për vite me radhë në Agjencinë e Kosovës për Inteligjencë (AKI), si Drejtoreshë për Marrëdhëniet me Jashtë dhe më pas si Zëvendësdrejtoreshë e Përgjithshme, përpara se të shkarkohej nga Presidentja Vjosa Osmani dhe Kryeministri Albin Kurti në qershor të vitit 2021.

Pas largimit nga Kosova, ajo u zhvendos në Tiranë ku shërbeu si Këshilltare për Sigurinë Kombëtare e Kryeministrit të Shqipërisë, Edi Rama, kurse në mars të vitit 2023 ajo u dekretua nga presidenti Bajram Begaj në pozitën e drejtoreshës së Shërbimit Informativ të Shtetit.

Ndërkohë, në hetimet në lidhje me dyshimet për vepra të ndryshme penale në Agjencinë Kombëtare të Shoqërisë së Informacionit (AKSHI), janë duke u zhvilluar edhe ndaj ish-drejtorit të policisë së Shtetit, Ilir Proda, kurse tashmë janë arrestuar edhe një ekspert kriminalistik në Tiranë dhe një pronar biznesi në Durrës.

Ilir Proda ishte Drejtor i Përgjithshëm i Policisë së Shtetit në Shqipëri, derisa u shkarkua nga detyra në mars të vitit 2026.

Sipas mediave shqiptare, mëngjesin e sotëm zyrtarë të Byrosë Kombëtare të Hetimit kanë bastisur disa banesa në Tiranë, përfshirë banesën e Ilir Prodës dhe disa ish-zyrtarëve të tjerë. Lidhur me këtë rast, më herët janë arrestuar edhe Ergys Agasi dhe Ermal Beqiraj ndërsa në masën e sigurisë “Arrest në shtëpi” ndodhet edhe drejtuesja e AKSHI-it, Mirlinda Karçanaj.