Sport

Mundo Deportivo: Rumania mund ta humb ndeshjen me Kosovën me rezultat zyrtar

Published

8 months ago

13 September, 2023

Mediat e huaja i kanë dhënë jehonë të madhe ndeshjes së mbrëmshme me incidente, Rumani – Kosovë.

Ato i kanë dhënë theks të veçantë mbi të gjitha skandalit që ndodhi në fillim të lojës, ku tifozët rumunë e shfaqën parullën “Kosova është Serbi” dhe bënë thirrje “Serbia, Serbia”, pas së cilit u ndërpre loja për afro 50 minuta, për të vazhduar më pas kur u pastrua ajo pjesë e tribunës.

E sot, mediumi spanjoll “Mundo Deportivo” raporton se rumunët mund ta humbin ndeshjen me Kosovën me rezultat zyrtar, 0:2, ndonëse ajo më pas vazhdoi dhe u krye 2:0 për vendësit.

“Nëse jo këtë të mërkurë, atëherë në ditët në vijim UEFA do ta hapë një hetim të jashtëzakonshëm për incidentet që ndodhën mbrëmë në ndeshjen Rumani-Kosovë në Bukuresht”, shkruan mediumi spanjoll, duke paralajmëruar dënime të ashpra për Rumaninë pas incidentit që e shkaktuan huliganët e grupit rumun “Uniti sub tricolor”.

“Mundo Deportivo” u thirr në nenin 11 të Kodit Disiplinor të UEFA-s, i cili thotë se “Federatat Kombëtare janë përgjegjëse për ndërprerjen dhe për braktisjen e fushës”, që nënkupton se në këtë rast mund ta pësojë Federata Rumune e Futbollit.

Neni 16 për rendin e sigurisë së UEFA-s, e bën përgjegjëse Federatën organizatore për sjelljen e tifozëve të saj.

Related Topics:Futboll Kosove Rumani UEFA

Up Next

FFK thotë se do të dorëzojë padi për incidentin në Bukuresht

Don't Miss

Kurti jep lajmin për ndërtimin e Stadiumit Kombëtar

Click to comment

Kosovë

Kosova mbetet e 102-ta në ranglistën e re të FIFA-s

Published

1 month ago

04 April, 2024

Redaksia

Në ranglistën e re të FIFA-s, të publikuar sot, përfaqësuesja e Kosovës në futboll mbetet në pozitën e 102-të, me 1205 pikë.

Kjo pasi në dy ndeshjet miqësore të muajit mars “Dardanët” fituan me rezultat 1:0 kundër Armenisë në Jerevan, ndërsa pësuan humbje nga Hungaria me rezultat 2:0 në Budapest.

Bazuar në rezultatet e fundit, përfaqësuesja e Shqipërisë ka rënë për dy pozita dhe aktualisht gjendet në pozitën e 66-të me 1375 pikë.

Ranglistës së FIFA-s edhe më tej i prinë Argjentina, pasuar nga Franca në pozitën e dytë kurse në vendin e tretë është ngritur përfaqësuesja e Belgjikës.

Kosovë

Historike për boksin e Kosovës – Donjeta Sadiku kualifikohet për Lojërat Olimpike Paris 2024

Published

2 months ago

09 March, 2024

Redaksia

Donjeta Sadiku e ka siguruar normën e parë olimpike në histori të boksit të Kosovës.

Donjeta e siguroi kualifikimin në Lojërat Olimpike Paris 2024, pasi sot mundi italianen, Alessia Mesiano, në gjysmëfinalen e kategorisë -60 kg, të turneut botëror kualifikues për Paris.

Me katër fitore radhazi, Sadiku siguroi “biletën” për lojërat olimpike “Paris 2024”.

Kosovë

Franco Foda emërohet trajneri i ri i Kosovës

Published

3 months ago

17 February, 2024

Redaksia

Franco Foda është trajneri i ri i Përfaqësueses së Kosovës në futboll.

Ai u prezantua nga Federata e Futbollit të Kosovës gjatë konferencës së sotme për media.

Kryetari i FFK-së, Agim Ademi, ka thënë se Foda

Trajneri 57-vjeçar ka nënshkruar kontratë dyvjeçare me FFK. Foda për shumë vjet drejtoi kampionin e Austrisë, Sturm Grazin, pastaj ekipin gjerman Kaisterslautern ndërkaq nga viti 2018 deri më 2022, ishte trajneri i ekipit kombëtar të Austrisë, me të cilin arriti kualifikimet në Evropianin e vitit 2020.

Foda pritet të debutojë te Kosova më 22 mars, në ndeshjen miqësore kundër Armenisë në Yerevan.