Connect with us

Sport

UEFA hap procedurë ndaj Rumanisë për sjellje raciste dhe fyese ndaj Kosovës

Published

on

Shtëpia e futbollit evropian, UEFA, njoftoi të enjten vonë se e ka hapur një procedurë disiplinore ndaj Federatës së Futbollit të Rumanisë (FFR), nën akuzat për disa shkelje gjatë ndeshjes kualifikuese për Euro 2024 kundër Kosovës, përfshirë për sjellje raciste dhe mesazhe fyese.

Të martën, ndeshja e Grupit I kualifikues mes Rumanisë dhe Kosovës në Bukuresht u ndërpre për rreth një orë, pasi tifozët vendas bënë thirrje dhe e shpalosën një pankartë “Kosova është Serbi”.

UEFA njoftoi sot në mbrëmje se ka hapur procedura disiplinore ndaj disa federatave pas ndeshjeve kualifikuese për Kampionatin Evropian të vitit të ardhshëm, përfshirë kundër asaj rumune në lidhje me ndeshjen me Kosovën.

Akuzat me të cilat përballet federata rumune:

–    Bllokimi i rrugëkalimeve publike

 –   Ndezja e fishekzjarrëve

–    Hedhja e gjësendeve

–    Mesazhe provokuese të natyrës fyese

  –  Sjellje raciste

Çfarë ndodhi në Bukuresht?

Kur kishin kaluar 17 minuta lojë në Arenën Kombëtare në kryeqytetin rumun, gjyqtari francez Willy Delajod e ndërpreu lojën pasi në pjesën mbrapa portës së Kosovës u pa një pankartë raciste dhe nisën thirrjet nacionaliste të tifozëve rumunë.

Futbollistët e Kosovës nuk pranuan ta vazhdonin lojën nën kushte të tilla, duke e njoftuar gjyqtarin e ndeshjes për atë që kishin parë.

Gjyqtari, më pas, udhëzoi futbollistët e të dyja kombëtareve që të kthehen në dhomat e zhveshjes.

Ndeshja rifilloi pas plot 50 minuta pushim, pasi delegati i UEFA-s ia tërhoqi vërejtjen organizatorit të mos lejonte përsëritjen e thirrjeve diskriminuese.

UEFA kishte njoftuar në uebsajtin e vet zyrtar se “për shkak të sjelljeve diskriminuese ndeshja u ndërpre deri në njoftimin e radhës”.

Kosova, e cila luajti me 10 futbollistë shumicën e kohës pas përjashtimit të sulmuesit Vedat Muriqi pas dy kartonëve të verdhë në pjesën e parë, u mposht 2:0, duke humbur shpresat për pjesëmarrje në një turne të madh futbolli për herë të parë në historinë e ekipit kombëtar, i cili u pranua në UEFA dhe FIFA më 2016.

Ministri i Kulturës, Rinisë dhe Sportit i Kosovës, Hajrullah Çeku, reagoi pas incidentit duke shënuar në rrjetin social Facebook: “Teksa djemtë tanë e vazhdojnë lojën me zemër e profesionalizëm, dinjiteti i shtetit të Kosovës është mbi çdo provokim. Shkëlqeni sonte!”

Federata e Futbollit e Rumanisë (FFR) e dënoi revizionizëm dhe mesazhet e natyrës politike të shfaqura gjatë ndeshjes.

“Federata e Futbollit e Rumanisë distancon veten fuqishëm nga sjelljet e papërgjegjshme të një grupi të përkrahësve nga tribuna jugore, që çoi në ndërprerjen e ndeshjes mes Rumanisë dhe Kosovës mbrëmë në Arenën Kombëtare. Së pari, ne e përsërisim parimin në bazë të të cilit qeveriset futbolli në Rumani, akti për mosndërhyrjen e politikave në sport”, tha federata rumune në një reagim pas ndeshjes.

Rumania është njëra nga pesë vendet e Bashkimit Evropian, bashkë me Spanjën, Qipron, Greqinë dhe Sllovakinë, që nuk e njohin pavarësinë e Kosovës. /REL/

Sport

Hansi Flick merr drejtimin e Barcelonës

Published

on

Hansi Flick është konfirmuar trajner i ri i Barcelonës. Ai ka nënshkruar kontratë deri në vitin 2026, duke zëvendësuar kështu trajnerin e shkarkuar Xavi Hernandez.

Gjatë karrierës si trajner, Flick 59 vjeç, ka drejtuar skuadrën e Bayern Munich, me të cilën fitoi dy herë titullin e kampionit të Gjermanisë, kupën dhe ligën e kampionëve në sezonin 2019/20.

Për një kohë ishte edhe trajner i përfaqësueses gjermane, por u shkarkua pas eliminimit të “Pancerëve” në fazën e grupeve të Kampionatit  Botëror të vitit 2022 në Katar.

Continue Reading

Kosovë

Tifozët “Kuqezi” kundërshtojnë organizimin e Evropianit Shqipëri-Serbi

Published

on

Kandidatura e përbashkët e Federatës Shqiptare dhe asaj Serbe të futbollit për organizimin e Euro 2027 për futbollistët deri në 21 vjet, ka nxitur reagimin kundërshtues të tifozëve të Kombëtares së Shqipërisë “Kuqezi”.

Pas një deklarate kundër kësaj nisme, të publikuar më 9 maj në rrjetin social facebook, Tifozët Kuqezi, kundërshtimin e tyre sot e shprehën edhe përmes një aksioni simbolik duke hedhur ngjyrë të kuqe në portën hyrëse të FSHF-së, derisa në rrethoja kanë vendosur fotografi të krimeve të Serbisë në Kosovë.

Ky aksion i Tifozëve Kuqezi u përcoll edhe me një deklaratë kundërshtuese të këtij organizimi të përbashkët mes Shqipërisë dhe Serbisë.

“Kundërshtojmë çdo nismë që mundohet t’ia rregullojë imazhin një populli barbar e gjenocidal.

Kundërshtojmë çdo bashkëpunim me vrasësit, me ata që shkaktuan me qindra masakra ndaj shqiptarëve dhe që depërtuan me miliona nga shtëpitë e tyre gjatë gjithë historisë”, shkruan në postimin e Tifozëve Kuqezi.

Continue Reading

Kosovë

Kosova mbetet e 102-ta në ranglistën e re të FIFA-s

Published

on

Në ranglistën e re të FIFA-s, të publikuar sot, përfaqësuesja e Kosovës në futboll mbetet në pozitën e 102-të, me 1205 pikë.

Kjo pasi në dy ndeshjet miqësore të muajit mars “Dardanët” fituan me rezultat 1:0 kundër Armenisë në Jerevan, ndërsa pësuan humbje nga Hungaria me rezultat 2:0 në Budapest.

Bazuar në rezultatet e fundit, përfaqësuesja e Shqipërisë ka rënë për dy pozita dhe aktualisht gjendet në pozitën e 66-të me 1375 pikë.

Ranglistës së FIFA-s edhe më tej i prinë Argjentina, pasuar nga Franca në pozitën e dytë kurse në vendin e tretë është ngritur përfaqësuesja e Belgjikës.

Continue Reading

Trending