Sport

UEFA dënoi Rumaninë me një ndeshje pa shikues dhe me 52 mijë euro gjobë.

Published

8 months ago

20 September, 2023

Komisioni Disiplinor i UEFA-s ka vendosur të gjobisë Federatën Rumune të Futbollit me 52 mijë euro derisa ndeshjen e radhës të organizuar në shtëpi, ekipi rumun do ta zhvillojë pa prani të publikut.

Ky dënim pasoi incidentet në ndeshjen Rumani – Kosovë e luajtur më 12 shtator në kuadër të kualifikimeve për Euro 2024, e cila u ndërpre disa minuta pas thirrjeve raciste nga tifozët rumunë.

Federata Rumune e Futbollit u akuzua për lejimin e shfaqjes dhe brohoritjeve të mesazheve politike, sjelljen raciste të tifozëve, ndezje të fishekzjarrëve, hedhjen e gjësendeve në tokë dhe bllokimin e zonave të qasjes publike.

Kjo federatë në faqen e saj zyrtare njoftoi se ndeshja e radhës ndërmjet Rumanisë dhe Andorës, e planifikuar për 15 tetor nga ora 21:45, do të luhet pa shikues.

Ndeshja e luajtur më 12 shtator u ndërpre për rreth një orë, pasi lojtarët e kombëtares së Kosovës u larguan nga fusha në minutën e 19-të, kur tifozët rumunë shfaqën një pankartë me mbishkrimin “Kosova është Serbi” dhe filluan të thërrisnin “Serbi, Serbi!’

Rumania është një nga vendet që nuk e njeh pavarësinë e Kosovës.

Related Topics:Kosove Rumani serb Serbia UEFA

Up Next

FFK-ja e pakënaqur me vendimin e UEFA-s, paralajmëron ankesë

Don't Miss

UEFA hap procedurë ndaj Rumanisë për sjellje raciste dhe fyese ndaj Kosovës

Click to comment

Kosovë

Kosova mbetet e 102-ta në ranglistën e re të FIFA-s

Published

1 month ago

04 April, 2024

Redaksia

Në ranglistën e re të FIFA-s, të publikuar sot, përfaqësuesja e Kosovës në futboll mbetet në pozitën e 102-të, me 1205 pikë.

Kjo pasi në dy ndeshjet miqësore të muajit mars “Dardanët” fituan me rezultat 1:0 kundër Armenisë në Jerevan, ndërsa pësuan humbje nga Hungaria me rezultat 2:0 në Budapest.

Bazuar në rezultatet e fundit, përfaqësuesja e Shqipërisë ka rënë për dy pozita dhe aktualisht gjendet në pozitën e 66-të me 1375 pikë.

Ranglistës së FIFA-s edhe më tej i prinë Argjentina, pasuar nga Franca në pozitën e dytë kurse në vendin e tretë është ngritur përfaqësuesja e Belgjikës.

Kosovë

Historike për boksin e Kosovës – Donjeta Sadiku kualifikohet për Lojërat Olimpike Paris 2024

Published

2 months ago

09 March, 2024

Redaksia

Donjeta Sadiku e ka siguruar normën e parë olimpike në histori të boksit të Kosovës.

Donjeta e siguroi kualifikimin në Lojërat Olimpike Paris 2024, pasi sot mundi italianen, Alessia Mesiano, në gjysmëfinalen e kategorisë -60 kg, të turneut botëror kualifikues për Paris.

Me katër fitore radhazi, Sadiku siguroi “biletën” për lojërat olimpike “Paris 2024”.

Kosovë

Franco Foda emërohet trajneri i ri i Kosovës

Published

3 months ago

17 February, 2024

Redaksia

Franco Foda është trajneri i ri i Përfaqësueses së Kosovës në futboll.

Ai u prezantua nga Federata e Futbollit të Kosovës gjatë konferencës së sotme për media.

Kryetari i FFK-së, Agim Ademi, ka thënë se Foda

Trajneri 57-vjeçar ka nënshkruar kontratë dyvjeçare me FFK. Foda për shumë vjet drejtoi kampionin e Austrisë, Sturm Grazin, pastaj ekipin gjerman Kaisterslautern ndërkaq nga viti 2018 deri më 2022, ishte trajneri i ekipit kombëtar të Austrisë, me të cilin arriti kualifikimet në Evropianin e vitit 2020.

Foda pritet të debutojë te Kosova më 22 mars, në ndeshjen miqësore kundër Armenisë në Yerevan.