Në aksionin e zhvilluar me urdhër të Prokurorisë Speciale të Kosovës në disa lokacione në komunat veriore të Kosovës, janë arrestuar disa zyrtarë të doganës dhe një polic, transmeton Koha.net
Ndërkohë, zëdhënësi i Prokurorisë, Ekrem Lutfiu, tha se aksioni është duke u zhvilluar nën dyshim për kryerje të veprave penale të korrupsionit, marrje ryshfeti dhe shpërdorim të detyrës zyrtare.
Aksionin e ka konfirmuar zëvendës drejtori i Policisë së Kosovës për rajonin e veriut, Veton Elshani, i cili tha se policia e Kosovës ka asistuar Doganën dhe se janë bastisur katër lokacione.
