Ferizaj

LDK: Auditori gjen shkelje të shumta financiare në Komunën e Ferizajt

Published

2 years ago

01 July, 2024

LDK dega në Ferizaj ka vlerësuar si shqetësuese gjetjet e raportit të fundit të auditorit, për pasqyrat financiare vjetore të komunës së Ferizajt për vitin 2023.

Në konferencën e sotme për media, kryetari i LDK-së në Ferizaj, Visar Azemi, ka thënë se sipas raportit të auditorit, në pasqyrat financiare për vitin 2023, janë evidentuar parregullsi në prezantimin e detyrimeve të papaguara në vlerë prej 80,060 euro, të llogarive të arkëtueshme në vlerë prej 127,975 euro dhe detyrimeve kontigjente në vlerë prej 2,600,648 euro.

Për më tepër, raporti thekson një nënvlerësim të pasurive në vlerë prej 192,138 euro, duke bërë që vlera e pasurive kapitale dhe jokapitale të mos jetë e shpalosur saktë. Po ashtu, ka pasur keq klasifikim të shpenzimeve në kategori ekonomike në vlerë prej 787,464 euro.

Raporti gjithashtu evidenton se Komuna e Ferizajt kishte hyrë në obligime kontraktuese në vlerë prej 2,326,548 euro pa pasur fonde të mjaftueshme financiare.

Sipas Azemit, një tjetër parregullsi është edhe kontraktimi i shërbimeve përmes procedurës së hapur të prokurimit me operatorë ekonomikë privatë për shërbime që ofrohen nga ndërmarrjet publike komunale.

Gjithashtu, në vitin 2023, komuna nuk i kishte regjistruar 31 të punësuar në listën e pagave, të cilët kishin kontrata të rregullta të punës derisa për shkak të vonesës në pagesën e detyrimeve financiare, komuna ka paguar shpenzime shtesë në vlerë prej 254,260 euro në emër të procedurës kontestimore/përmbarimore apo interesit për pagesë të vonuar.

Raporti gjithashtu tregon për përdorimin e fondeve nga projektet për qëllime të tjera nga ato për të cilat ishin planifikuar, pa zbatuar procedurat dhe kriteret për transferimin dhe rialokimin e ndarjeve buxhetore nga një projekt kapital në një tjetër.

Përveç kësaj, janë evidentuar marrëveshje ku janë shmangur procedurat e prokurimit dhe është financuar OJQ me vlerë prej 8,526 euro pa thirrje publike për financim.

Visar Azemi theksoi se mungesa e progresit në zbatimin e rekomandimeve është një tjetër çështje shqetësuese, pasi nga 19 rekomandime që kishte marrë nga auditori për vitin 2022, Komuna e Ferizajt ka zbatuar vetëm 6 prej tyre edhe pse për një pjesë të këtyre vërejtjeve që theksohen në Raportin e Auditorit, janë ngritur si shqetësime gjatë gjithë vitit nga LDK në Ferizaj.

Related Topics:Ferizaj komuna ldk Raporti i Auditorit

Up Next

Në shënim të Pavarësisë së SHBA-ve, Policia rajonale e Ferizajt pranoi letra falënderimi nga KFOR-i amerikan

Don't Miss

Arrestohen një kosovar dhe një sirian për posedim të narkotikëve

Click to comment

Ferizaj

Një burrë theret me kaçavidë nga dy persona në Ferizaj

Published

4 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

5 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.