Connect with us

Ferizaj

Në shënim të Pavarësisë së SHBA-ve, Policia rajonale e Ferizajt pranoi letra falënderimi nga KFOR-i amerikan

Published

on

Në shënim të 248 vjetorit të shpalljes së Pavarësisë së SHBA-ve, Policia Rajonale e Ferizajt pranoi nga KFOR-i amerikan letra falënderimi për disa pjesëtarë të saj dhe të Drejtorisë së Përgjithshme të Policisë së Kosovës.

Në komunikatën për media, bëhet e ditur se në ceremoninë që u zhvillua në zyrat e Policisë në Ferizaj, koloneli Terry A. Saul, Komandant i Grupit të Mbështetjes Zona-Ballkan (ASG-B) nga kampi ushtarak i KFOR-it amerikan në ‘’Bondsteel’’, falënderoi dhe lavdëroi Drejtorin Rajonal, Nënkolonelin Faton Pllana dhe gjithë policët për realizimin e planit operativ të koduar ‘’25 Vjetori i Kampit Bondsteel’’ në Sojevë të Ferizajt, që u mbajt më 09.06.2024.

Në atë manifestim, disa njësi të Drejtorisë Rajonale të Policisë në Ferizaj të mbështetura edhe nga njësi tjera të Drejtorisë së Përgjithshme të Policisë, kanë qenë të angazhuara dhe të caktuara në detyra të përbashkëta me policinë ushtarake të KFOR-it amerikan në ‘’Bondsteel ‘’, në perimetrin e jashtëm dhe brenda kampit ushtarak, për mbarëvajtjen e manifestimit ku ishin të ftuar personalitete të larta të shtetit, ushtarakë dhe shumë qytetarë.

Drejtori Rajonal i Policisë , Nënkoloneli Faton Pllana në emër të Drejtorisë Rajoanle te Policisë në Ferizaj fillimisht uroj të gjithë pjesëtarët e KFOR-it amerikan dhe popullin amerikan për 4 Korrikun, ‘’Ditën e Pavarësisë së Shteteve të Bashkuara të Amerikës, derisa falënderoi kolonelin Terry A, Saul për bashkëpunimin që policia rajonale e Ferizaj për herë të parë realizoi planin e përbashkët me Policinë Ushtarake në këtë 25 vjetor të themelit të kampit ushtarak të KFOR-it amerikan ‘’Bondsteel’’.

Drejtori Pllana, mes tjerash theksoi përkushtimin e policisë Rajonale të Ferizajt në ofrimin e mbështetjes dhe përkrahjes policore për të gjithë mekanizmat ndërkombëtarë e vendorë, sa herë që paraqitet nevoja.

Në fund të kësaj ceremonie u shpërndanë letra falënderimi nga të dyja institucionet.

Ferizaj

Është ndarë nga jeta mjeku ferizajas Dr. Bashkim Kololli

Published

on

Është ndarë nga jeta mjeku ferizajas Dr. Bashkim Kololli.

Lajmi për vdekjen e Dr.Kolollit u bë i ditur nga familjarët dhe shokët e tij në rrjetet sociale.

Dr. Bashkim Kololli kreu studimet pranë Fakultetit të Mjekësisë në Prishtinë dhe në Zagreb të Kroacisë. Ai ishte ndër mjekët nga plejada e parë e mjekëve ferizajas.

Si specialist i neuropsikiatrisë, i ndjeri punoi në spitalin e psikiatrisë në Neuchatel, në spitalin e kantonit të Valaisit dhe së fundmi në spitalin psikiatrik të Marsensit.  

Në nderim të jetës dhe veprës të të ndjerit Dr. Bashkim Kololli, sot më 16 Korrik 2024, në ora 11:30, në Teatrin “Adriana” do të mbahet mbledhje komemorative.

Continue Reading

Ferizaj

Policia në Ferizaj javën e kaluar shqiptoi 1770 gjoba në trafik

Published

on

Policia në Ferizaj ka njoftuar se gjatë javës së kaluar janë raportuar 48 aksidente trafiku ku njëri prej tyre me fatalitet derisa janë shqiptuar 1770 gjoba në trafik dhe janë hequr 23 patentë shoferë.

“Policia Rajonale e Ferizajt ka ndërmarrë një sërë aktivitetesh në identifikimin e kundërvajtësve të ndryshëm në komunikacion me qëllim parandalimin e aksidenteve. Në kuadër të këtyre aktiviteteve policia rajonale e Ferizajt gjatë javës që shkoi, nga data 08-14/07/2024 ka shqiptuar 1770 gjoba kundërvajtëse dhe ka hequr edhe 23 patentë shoferë për drejtuesit që kanë shkaktuar kundërvajtje më të rënda në komunikacion” thuhet në njoftimin e policisë.

Continue Reading

Ferizaj

Ferizaj ka 109 mijë e 345 banorë rezident

Published

on

Sipas të dhënave preliminare të publikuara nga Agjencia e Statistikave të Kosovës, në vetëm 9 nga 38 komuna të Kosovës ka pasur rritje të popullsisë rezidente.

Në mesin e tyre është edhe komuna e  Ferizajt që sipas shënimeve ka 109 345 banorë që shënon një rritje të lehtë prej 0.68% krahasuar me regjistrimin e vitit 2011.  

Komunave me rritjen më të lartë të popullsisë u prinë Fushë Kosova me 83.99% pasuar nga Parteshi me  81.93 %, Graçanica me 81,46 %, Shtërpca me  56,71 %, Kllokoti me 19,13 %, Prishtina me 14, 21 %, Obiliqi  me 5,78 % dhe Mamusha që ka rritje prej 1,96 %. Ndërkaq, sipas shënimeve 29 komunat tjera kanë shënuar rënie të popullsisë.

Aktualisht komuna me numrin më të madh të banorëve është Prishtina me 227 mijë e 154 banorë, pasuar nga Prizreni me 147 mijë e 428 banorë dhe Ferizaj me 109 mijë e 345 banorë.

Continue Reading

Trending