Ferizaj

VV-ja i kërkon prokurorisë ta hetojë Aliun për të gjeturat e Auditorit

Published

2 years ago

01 August, 2024

Qendra e Lëvizjes Vetëvendosje në Ferizaj i ka bërë thirrje sot Prokurorisë Themelore të Ferizajt që të hetojë kryetarin Agim Aliu dhe zyrtarët e tij më të lartë për të gjeturat e raportit të Zyrës Kombëtare të Auditimit, që ka faktuar sesi administrata lokale shpalli tenderë dhe lidhi kontrata prej miliona eurosh, me kompani private pa pasur planifikim buxhetor.

Akuzat i kanë ngritur sot kryetarja e Qendrës së VV-së në Ferizaj, Fatbardha Zogaj-Reka dhe anëtarja e kësaj partie në Kuvendin Komunal, Yllka Neziri.

Në raportin e ZKA-së, të publikuar në fund të qershorit, kryetari Aliu është pajtuar me të gjitha shkeljet dhe keqmenaxhimet komunale të evidentuara për shumë fusha të qeverisjes lokale, sikur ishte shpallja dhe nënshkrimi i tenderit prej rreth 1.6 milionë eurosh me një kompani private për pastrimin e disa zonave të qytetit pa planifikim buxhetor dhe duke shmangur dy kompanitë publike të mirëmbajtjes, të cilat edhe ashtu përballen me vështirësi financiare.

“Realisht nëse shfletoni raportin e auditimit, në të gjitha sugjerimet, në të gjitha çështjet që i adreson raporti, thuhet ‘kryetari,’kryetari duhet të bëjë këtë, kryetari duhet të bëjë’…domethanë te të gjitha gjetjet, te rekomandimet, te të gjitha pjesët e raportit të auditimit, kërkohet prej kryetarit, sepse ai është i pari dhe sigurisht se ai është vendimmarrësi më i lartë në Komunën e Ferizajt”, ka thënë Zogaj-Rekaj kur është pyetur se a duhet ta hetojë prokuroria edhe Aliun si zyrtari më i lartë administrativ sipas Ligjit për vetëqeverisje lokale.

Kuvendarja Neziri ka thënë se raporti i ZKA-së vetëm sa përmblodhi të gjitha deklarimet e kuvendarëve të VV-së gjatë seancave të Kuvendit Komunal për keqmenaxhim nga administrata komunale e udhëhequr nga koalicioni i prirë prej PDK-së.

“Raporti tregoi shumë qartë për keqmenaxhim dhe keqpërdorim të pozitës zyrtare e ata persona duhet të japin përgjegjësi në organet kompetente. Për vite me radhë, raporti i auditimit është raport me opinion negativ”, ka thënë Neziri, duke theksuar se ZKA-ja faktoi prezantimin jo të saktë të detyrimeve të papaguara në pasqyrat vjetore financiare. “Keqmenaxhim i shpenzimeve në kategori ekonomike, Komuna ka kontraktuar shërbime me procedurë të hapur me operatorë ekonomikë privatë për shërbime, të cilat ofrohen nga ndërmarrjet publike komunale. Si pasojë e këtyre keqmenaxhimeve, gjendja e këtyre kompanive publike është në gjendje jo të mirë financiare dhe përditë e më shumë po përballen me telashe për shkak mos mbështetjes nga Komuna e Ferizajt”, ka thënë Neziri.

Administrata komunale ka heshtur pas publikimit të raportit të ZKA-së. Asnjë fjalë nuk e kanë thënë as kuvendarët e koalicionit në seancën e së mërkurës të Kuvendit Komunal pasi opozita ngriti dyshime për korrupsion.

Zogaj-Reka ka thënë se Ferizaj për shkak të keqmenaxhimit do të mbetet pa grantin qeveritar për komunat, ndërkaq, duke folur për humbjen e mundësisë për fonde nga donatorët si pasojë e vlerësimit negativ për qeverinë lokale të Aliut, ka theksuar se “askush nuk investon aty ku e sheh se s’po shkon mirë”.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar