Connect with us

Ferizaj

LDK: Komuna e Ferizajt ka para për festë e muzikë, por jo për 300 punëtorët shëndetësorë

Published

on

Dega e LDK-së në Ferizaj ka ngritur sot shqetësimin për mbetjen e 300 punëtorëve shëndetësor pa paga pasi që dje ka skaduar kontrata e Komunës së Ferizajt me organizatën “Caritas Kosova” për stafin e angazhuar në Qendrën Kryesore të Mjekësisë familjar edhe në pikat tjera nën menaxhimin komunal. Bardh Zeqiri, nga kjo parti, ka thënë se stafi i angazhuar nuk ka i ka marrë rregullisht as pagat për të cilat ishte kontraktuar.

“Shqetësues është fakti se Komuna e Ferizajt, përveçse e ka mbyllur këtë lloj angazhimi, nuk ka kryer të gjitha obligimet financiare ndaj këtyre punonjësve, gjegjësisht për katër muaj, ndërsa po e njëjta komunë hap tender mijëra euro për festa dhe muzikë”, ka thënë Zeqiri në konferencën për media në selinë e Degës së LDK-së. Ai është referuar tenderi të shpallur të Komunës së Ferizajt në fillim të muajit për organizimin e një festivali për mërgatën, në vlerë prej 390 mijë eurosh, por pas presionit të opozitës dhe mediave, qeveria lokale e kryetarit Agim Aliu e anuloi me pretendimin se nuk i kishte ofertuesi i vetëm nuk i kishte përmbushur specifikat e tenderit. Por në faqen e Komunës në Ferizaj pas reagimeve të mëdha publike, kritikët e tenderit – atëherë ende të pa anuluar – u quajtën “të mjerë”, ndërkaq nuk u dha një shpjegim i qartë nëse tenderi planifikohej për aktivitetin që tashmë kishte nisur në sheshin “Ramadan Rexhepi”, ku bizneset private po mbajnë koncerte dhe ndeja çdo natë.

LDK-ja ka alarmuar se si pasojë e përfundimit të kontratës me “Caritas Kosovën” dhe mungesës së një plani të qartë të Komunës për mënyrën e mbulimit të pagave të treqind punëtorëve shëndetësorë, rrezikojnë të mbyllen disa qendra të mjekësisë familjare në fshatra. Zeqiri ka thënë se punëtorët e angazhuar me kontratën, tashmë të skaduar, edhe ashtu kishin punuar me kushte të pabarabartë krahasuar me kolegët e rregullt që bëjnë të njëjtën punë.

“E them të pabarabartë për shkak të pagesës jo të barabartë me kolegët e tyre, me 50 për qind më pak, edhe pse kanë kryer punën me orar të njëjtë, shto këtu edhe faktin se nuk janë paguar fare që 40 muaj. Ne si LDK, jemi të shqetësuar për fatin e këtyre punonjësve”, ka thënë Zeqiri, duke kërkuar sqarime nga ekzekutivi komunal se çfarë do të bëhet me këta punonjës pa kontrata.

“Kjo qeverisje po dëshmon paaftësinë menaxheriale, ku me një planifikim të drejtë buxhetor, do sigurohej mënyra e financimit për këta punonjës e jo paratë të ndahen për festa e muzikë, e të humbim për procedura përmbarimore”, ka thënë Zeqiri.

Ferizaj

Arrestohen dy persona për ryshfet dhe falsifikim të dokumenteve

Published

on

Njësia për Hetimin e Krimeve Ekonomike dhe Korrupsion në Ferizaj, ka arrestuar dy persona (H.S dhe E.S.)  si pronar/e dhe përgjegjës në një Auto shkollë me seli në Kaçanik dhe degën e saj në Han të Elezit, nën dyshimin për veprat penale ”Pranimi i Ryshfetit në Sektorin Privat’’ dhe “Falsifikimi i Dokumenteve’’.

Ata dyshohen se kanë pranuar ryshfet në shuma të ndryshme parash nga kandidatë të ndryshëm për marrjen e patentë shoferit për kategorinë “B” dhe kategorinë ,,C’’, pa iu nënshtruar testeve/kritereve përkatëse, përfshirë edhe sigurimin e certifikatës mjekësore pa iu nënshtruar kontrolleve të rregullta mjekësore si dhe plotësimin e Vërtetimit që kandidati është aftësuar në pjesën teorike dhe praktike.

Me urdhër nga Gjykata Themelore në Ferizaj dhe në koordinim me Prokurorin përgjegjës të rastit, policia ka bastisur dy zyrat e kësaj kompanie ku edhe janë  sekuestruar dy telefona mobil dhe dokumente të ndryshme në cilësinë e provave materiale.  

Pas përfundimet të bastisjes, dy të dyshuarit janë shoqëruar në polici ku janë intervistuar në prezencë të avokatit mbrojtës, i caktuar sipas detyrës zyrtare.

Të gjitha veprimet hetimore kanë qenë të koordinuara me Prokurorin përgjegjës të rastit dhe  pas intervistës, me Aktvendim të Prokurorit, të dyshuarit janë ndaluar për 48 orë.

Continue Reading

Ferizaj

Merret vendimi për ndërtimin e stadiumit 19-milionësh në Ferizaj

Published

on

Në mbledhjen elektronike të mbajtur sot nga Qeveria e Kosovës, në mesin e vendimeve për ndërtimin dhe riparimin e objekteve kulturore dhe sportive, është aprovuar edhe projekti për ndërtimin e stadiumit të qytetit të Ferizajt. Projekti pritet të kushtojë 19 milionë euro.

Në vendimin që e ka postuar në Facebook, shefi i grupit parlamentar të Vetëvendosjes në Kuvendin Komunal të Ferizajt, Brahim Osmani, thuhet se në mesin e projekteve kapitale shumëvjeçare anembanë Kosovës, Ministrisë së Rinisë, Sportit dhe Kulturës i është caktuar kodi buxhetor dhe “se tash pritet që të fillojnë procedurat për ndërtimin e tij”, ka shkruar Osmani.

“Qeveria Kurti kujdeset për të gjitha komunat e natyrisht se edhe ne do të përfitojmë nga projektet cilësore që do të realizohen”, ka shtuar ai.

Osmani nuk ka treguar lokacionin, por një burim brenda degës së Lëvizjes Vetëvendosje në Ferizaj, ka thënë për Televizionin Tema se stadiumi pritet të ndërtohet afër palestrës së sporteve “Bill Clinton”, ku ndodhet edhe stadiumi me bar sintetik, ku aktualisht po i zhvillojnë ndeshjet ekipet ferizajase të futbollit.  Burimi, meqë nuk është i autorizuar të flasë për media, ka kërkuar që të mos i bëhet i ditur identiteti, “por ka thënë se burime brenda Ministrisë kanë thënë se do të jetë afër sallës”.

Qeverisja lokale e Ferizajt vazhdimisht ka akuzuar LVV-në opozitë se nuk ka bërë presion të mjaftueshëm te Qeveria qendrore e LVV-së për të nisur zbatimin e projektit të shumëpërfolur të stadiumit derisa për lokacionin dhe madhësinë e tij ka pasur përplasje të vazhdueshme ndërmjet partive të ndryshme.

Continue Reading

Ferizaj

Gjenden revole dhe armë të ftohta në autobusin me nxënës në Ferizaj

Published

on

Një revole, dy boksa të hekurit dhe dy armë të ftohta janë kapur në një autobus urban në Ferizaj, ka njoftuar Policia e Kosovës.

Të martën, më 15.10.2024 në ora 20:00, zyrtarët policorë me uniformë dhe ata me rroba civile të stacionit policor të Ferizajt kanë kryer një kontroll në autobusin që qarkullon nga Ferizaj në drejtim të fshatrave Doganaj, Greme dhe Gaçkë, me dyshimin se nxënësit e shkollave të mesme të larta po bartin me vete armë dhe mjete të dyshimta.

Gjatë kontrollit, në dysheme të autobusit është gjetur një revole, dy boksa të hekurt dhe dy thika.

“Për të gjitha këto veprime është njoftuar prokurori i shtetit dhe me vendim të tij është iniciuar një rast për hetim ‘’ Mbajtje në pronësi, kontroll, ose posedim të paautorizuar të armës’’, thuhet në raportin e policisë së Kosovës.

Continue Reading

Trending