Ferizaj

Ferizaj fiton 600 mijë euro në ‘’Garën për Mjedis të Pastër’’

Published

7 years ago

01 June, 2018

Komuna e Ferizajt ka fituar tri çmime për ambient në vlerë 600 mijë euro. Për përmbushje të suksesshme të të gjitha kritereve në ‘’Garën Për Mjedis të Pastër’’, komuna e Ferizajt fitoi 150 mijë euro, për përmirësimin më të madh në inkasim, kompania ‘’Pastërtia’’ fitoi 300 mijë euro, ndërkaq për përmirësim të shërbimeve publike u ndanë 150 mijë euro.

Këto 600 mijë euro u ndanë nga Ministria e Mjedisit dhe Planifikimit Hapësinor, Qeveria gjermane dhe ‘’GIZ’’-i.

Kryetari i komunës së Ferizajt Agim Aliu, shprehu mirënjohje për këto shpërblime, pasi sipas tij, këto para do të shërbejnë shumë për ta zbatuar platformën e tij qeverisëse sa i përket çështjeve të ambientit.

“Komuna jonë përfitoi më së shumti dhe ne së bashku me kompaninë ‘’Pastërtia’’ dhe Drejtorinë e Shërbimeve Publike do të bëjmë një agjendë të qartë të shpenzimit të këtyre mjeteve dhe sigurisht që ka qenë tepër i domosdoshëm sigurimi i këtyre mjeteve, në radhë të parë për të ndryshuar resurset dhe teknikën dhe gjithë atë që është pjesë e logjistikës, në mënyrë që të bëhet punë dhe angazhim cilësor në përfundimin e këtyre prioriteteve”, tha Aliu.

Kryetari Aliu tha se do të formohet një këshill gjithëpërfshirës, për t’i hartuar prioritetet se ku do të investohet me këtë grant të fituar.

“Ajo që është deri tash kërkesë kryesore e kompanisë ‘’Pastërtia’’ është kryesisht investimi në makineri, pasi që ka një makineri tepër të vjetërsuar dhe nuk përkon me punët dhe angazhimet e kësaj ndërmarrjeje. Më shumë do të ketë investime në makineri, ndërsa çështje të tjera lidhur me krijimin e ambientit dhe hapësira më të pastra është në mbikëqyrje të ‘’Ambientit’’ ku ata kanë bërë edhe marrëveshje dhe kontrata me organizata të ndryshme të politikave mjedisore”, tha Agim Aliu.

Për mbrojtje të ambientit u shpërblye edhe komuna e Kaçanikut. Kryetari Besim Ilazi, u zotua se këto mjete do të menaxhohen me përkushtim të lartë.

“Unë besoj që çdo donacion do ta ketë efektin e vet dhe kjo do të vërehet në ditët në vijim. Është një grat që kemi përfituar në vlerë prej 137 mijë euro, ku për ne si komunë konsiderojmë që është një çmim mjaftë i mirë. Do të angazhohemi për t’i ngritur kapacitetet e punës e sidomos në mbulueshmërinë e qyteteve të komunës tonë me kontejner, por gjithashtu edhe në blerje të makinerisë”, tha Ilazi.

Shpërblimet e ndara sot pasojnë një vlerësim që institucionet gjermane dhe Ministria e Mjedisit, kanë bërë nëpër komuna në kuadër të ‘’Garës për Mjedis të Pastër’’, e cila ishte realizuar gjatë vitit 2016 dhe 2017.

Ferizaj

Ferizajasit mund të ballafaqohen me rrezikun nga vërshimet

Published

1 day ago

18 November, 2025

Redaksia

Nga reshjet e dendura të shiut që vazhduan nga mbrëmja e së hënës, banorët e Ferizajt e sidomos ata që banojnë pranë rrjedhës së lumit dhe kanaleve të ujitjes, mund të rrezikohen nga vërshimet.

Kjo pasi paralajmërimet e meteorologëve bëjnë të ditur për mundësinë e vazhdimit të reshjeve edhe në ditët vijuese.

Njoftim për rrezik të shtuar nga vërshimet dhe masat e kujdesit ka bërë edhe komuna e Ferizajt në faqen zyrtare të saj.

“Në bazë të situatës së fundit meteorologjike dhe reshjeve të dendura që kanë përfshirë rajonin, njoftohen qytetarët se ekziston rrezik i shtuar për paraqitjen e vërshimeve në disa zona.

Kërkohet nga qytetarët që:

• Të tregojnë kujdes të shtuar gjatë qarkullimit, veçanërisht pranë rrjedhave ujore, kanaleve dhe zonave ku ka grumbullim uji;

• Të shmangin lëvizjet e panevojshme në zonat me rrezik të lartë;

• Të raportojnë çdo situatë të mundshme emergjente në numrat 192 dhe 193.

Ekipet emergjente dhe Policia janë të angazhuara në terren dhe po monitorojnë gjendjen në mënyrë të vazhdueshme, me qëllim të sigurimit të një reagimi të shpejtë dhe efektiv”, thuhet mes tjerash në njoftim.

Ferizaj

Varrimi i ferizajasit që vdiq tragjikisht bëhet pasditen e sotme në fshatin Mirash

Published

4 days ago

15 November, 2025

Redaksia

Shpend Qalaj, që humbi jetën tragjikisht të premten, do të varroset pasditen e sotme në varrezat e fshatit Mirash të Ferizajt, njoftoi familja përmes një postimi në facebook.

I ndjeri humbi jetën pasi ra në kontakt me rrymën derisa po punonte në pullazin e shtëpisë në Mirash.

“Është raportuar se viktima mashkull kosovar, deri sa ishte duke punuar në pullazin e shtëpisë ka rënë në kontakt me rrymën dhe si pasojë ka humbur jetën. Vdekjen e viktimës e ka konstatuar mjeku ndërsa me kërkesë të familjarëve dhe konsultim me prokurorin trupi i pajetë u është liruar familjarëve për ceremoni mortore”, thuhet në raportin 24 orësh të policisë.

Ferizaj

Të shtunën ndërprerje e energjisë elektrike në Ferizaj – këto janë lokalitetet që mbesin pa rrymë

Published

5 days ago

14 November, 2025

webmaster

KEDS ka njoftuar për ndërprerje të domosdoshme të energjisë elektrike që do të realizohen këtë të shtunë në disa zona të Ferizajt dhe fshatrave përreth, për shkak të punimeve për sigurinë e sistemit dhe bartjes së kabllove në kthinave të reja.

Shkyçjet do të ndodhin kryesisht nga ora 08:00 deri në 12:00, ndërsa disa zona do të preken nga ora 10:00 deri në 12:00.

Njoftimi i plotë nga KEDS:
Punime të domosdoshme për siguri të sistemit

1.
Nga TS 35/10[kV] Ferizaj II do të ndërprehet:
LP 10kV J15 Kosova Transi 2 (kodi:40041037) nga ora 08:00 deri 12:00
Vendet:, Rr.Ahmet Kaçiku ( nje pjese),rr.Besim Fazliu, rr. Naim frashëri rr. Marie Shllaku nga nje pjese.
Arsyeja: Ndërprerje për siguri. Bartja e kabllove dhe energjzimi i kthinave te reja.

2.
Nga TS 35/10kV Ferizaj II do të ndërprehet:
Dalja 10kV Drejtimi i Sillosit (kodi: 40041001) nga ora 08:00 deri 12:00
Vendet: Ferizaji një pjesë, Talinovci i Muhaxherëve, Sazlia, Papazi, Pojata, Rahovica, Softaj dhe Fusha e Madhe.
Arsyeja: Ndërprerje për siguri. Bartja e kabllove dhe energjzimi i kthinave te reja.

3.
Nga TS 35/10kV Ferizaj II do të ndërprehet:
Dalja 10kV J12 Banka 1&2 (kodi: 40041039) nga ora 08:00 deri 12:00
Vendet: MBTS Banka,TS Fatmir Rashani,TS Halil Haxhidema,TS TMK Ndertesa,TS Koncorzium Komuna (përball Spitalit).
Arsyeja: Ndërprerje për siguri. Bartja e kabllove dhe energjzimi i kthinave te reja.

4.
Nga TS 35/10kV Ferizaj II do të ndërprehet:
Dalja 10kV J11 Kazerma (kodi: 40041020) nga ora 08:00 deri 12:00
Vendet: TS Kazerma dhe TS Minexi.
Arsyeja: Ndërprerje për siguri. Bartja e kabllove dhe energjzimi i kthinave te reja.

5.
Nga TS 35/10kV Ferizaj II do të ndërprehet:
Dalja 10 kV J07 Fitorja (kodi: 40041007) nga ora 08:00 deri 12:00
Vendet: TS Fitorja, Fabrika e Bukes dhe Elsam Company
Arsyeja: Ndërprerje për siguri. Bartja e kabllove dhe energjzimi i kthinave te reja.

6.
Nga NS 35/10kV Ferizaj II do të ndërprehet:
Dalja 10kV J06 Betoni (kodi: 40041002) nga ora 08:00 deri 12:00
Vendet: Rr.”Prizrenit”, Saraishta, Lloshkobare, Llojza, Kosinë, Slivova, Dremjak dhe bizniset private.
Arsyeja: Ndërprerje për siguri. Bartja e kabllove dhe energjzimi i kthinave te reja.

Nga TS 35/10kV Ferizaj II do të ndërprehet:
Dalja 10kV Ujëvara (kodi: 40041011) nga ora 08:00 deri 12:00
Vendet: Rr. Nerodimes, Ujëvara, Frigoriferi dhe Barakat.
Arsyeja: Ndërprerje për siguri. Bartja e kabllove dhe energjzimi i kthinave te reja.

Nga TS 35/10kV Ferizaj II do të ndërprehet:
Dalja 10kV Bablaku-Bizneset dhe Banka 3 (kodi: 40041041) nga ora 08:00 deri 12:00
Vendet: Bablak, Magjistralja Ferizaj-Prishtinë, Babush i Muhaxherëve, Babushi i Ri, Mirash, Cërnillë dhe Surqinë
Arsyeja: Ndërprerje për siguri. Bartja e kabllove dhe energjzimi i kthinave te reja.

* * *

Punime nga pala e tretë

1.
Nga NS 35/10kV Ferizaj III do të ndërprehet:
Dalja 10kV J05 Varoshi (kodi: 40042005) nga ora 10:00 deri në orën 12:00
Vendet: fshatrat: Elezaj (një pjesë), Gërlicë (një pjesë), Greme, Çardak-Kaçaniku i Vjetër (një pjesë), Magj. Ferizaj-Kaçanik (një pjesë), Rakaj dhe Varosh.
Arsyeja: Kryerja e punimeve sipas pëlqimit elektro-energjetik dhe projektit të aprovuar.

2.
Nga NS 110/35/10[kV] Ferizaj 1 do te ndërprehet:
LP J02 Drejtimi i Fshatrave (kodi: 40000002) nga ora 09:00 deri në ora 13:00
Shkyqja realizohet ne stabilimentin Natyrali (J02 Dardani) (J03Bibaj)
Vendet: Rrugët: Dardania, Haki Braha (1 konsumator), Mirosalë, Mirosalë lagjja Bytyqi, Dedaj dhe te Shkolla, Rexhep Bislimi (1 konsumator), Fshatrat: Sojevë, Dardani dhe Zllatar.
Arsyeja: Vendosjen e shtyllave sipas pëlqimit elektro-energjetik.

Nga NS 35/10[kV] Shtërpca do të ndërprehet:
Dalja 10[kV] J02 Molika (kodi: 40044007) nga ora 08:30 deri në ora 15:30
Vendet: TS Repititori, TS Shkolla Skijimit, TS Kulla dhe TS Hotel Molika.
Arsyeja: Eliminimi i problemeve teknike në transformator.