Ferizaj

Përkujtohet veprimtarja Sanije Rexhepi

Published

7 years ago

02 June, 2018

Familjarë e miq kanë përkujtuar Sanije Rexhepin në 19 vjetorin e rënies, me ç’rast kanë bërë homazhe pranë varrit të saj në fshatin Lloshkobare të Ferizajt.

Babai i Sanijes, Mehdi Rexhepi, u shpreh i zhgënjyer me institucionet e vendit të cilat nuk po ia njohin statusin e dëshmorës vajzës së tij, që dha jetën për atdhe.

“Për Sanijen kemi çka folmi shumë, por unë nuk jam shumë i kënaqur me udhëheqësin ferizajase për çështjen e Sanijes që ka të bëj me statusin, që 18 vite unë mendoj çdo ditë për këtë, realiteti nuk është kërkun hiç, që një vit që i kanë nxjerrë eshtrat e Sanijes janë në murgun në Sarajevë duke e bërë AND-në, pse kjo nuk është bërë më herët, por kanë kaluar 18 vite”, tha Rexhepi.

Bashkëpunëtorja e Sanijes, njëherit edhe kushërira e saj, Ardita Rexhepi-Kçiku, tregon për organizimet që i kanë bërë bashkë për të furnizuar ushtarët me barna.

“Në atë kohë me doktorin e ndjerë Ismet Jetishi, unë isha në atë kohë në shkollë të mesme infermiere, pata fillu si praktikë, ndërsa Sanija ka qenë shumë e përkushtuar për këtë vend për çka edhe e dha jetën për këtë vend dhe e dimë vetëm unë e Sanija e doktori se si kemi mbledhë barna e si i rujshim natën ato barna nga serbët, pastaj kur e kuptojshim që dikush ka plagë shkojshim, ndërsa unë u martova Sanija e ka vazhdu deri në frymën e fundit dhe përkundër kësaj sot është në listë të pritjes për me hy në listën e dëshmorëve, se ku është problemi nuk e dimë edhe pse dëshmitarë ka shumë”, tha Rexhepi-Kçiku.

Kryetari i Shoqatës së Familjeve të Dëshmorëve në Ferizaj Gafurr Bytyqi, tha se falë kontributit të veprimtares Sanije Rexhepi, shumë luftëtarë të UÇK-së shpëtuan nga vdekja.

“Para 19 viteve në mënyrën më makabre ekzekutohet nga forcat serbe, pse u ekzekutua ajo, sepse ishte veprimtare e dalluar e çështjes kombëtare, sepse ishte furnizuese e Zonës Operative me barna dhe ilaçe, serbët e hetuan veprimtarinë e saj dhe shkuan e morën në mesin e turmës dhe e ekzekutuan në mënyrë makabre dhe çdo njeri që ka kontribu për luftën e UÇK-së dhe çdo bari që ka shkuar për shëndetin e luftëtarëve, Shoqata e Familjeve të Dëshmorëve e kujton me epitet dhe e përkujton deri në pafundësi”, tha Bytyqi.

Sanije Rexhepi ishte masakruar nga forcat serbe më 2 qershor të vitit 1999. Ajo njihet për kontributin e dhënë për UÇK-në duke ndihmuar me mjete medicionale dhe gjëra ushqimore.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.