Ferizaj

Mbi 670 mijë euro dëme të shkaktuara nga breshëri në Ferizaj

Published

8 years ago

05 June, 2018

Rreth 670 mijë euro është vlera e dëmit të shkaktuar në kulturat bujqësore në komunën e Ferizajt, pas reshjeve të fundit të breshrit. Kështu bëri të ditur drejtori i Bujqësisë Burim Bajrami, i cili tha se komuna nuk ka mundësi financiare për kompensimin e fermerëve.

“Kam marrë vendim që të formohet komisioni për vlerësimin e dëmeve, janë të prekura pemëtaria dhe perim-kultura, por edhe gruri dhe kulturat tjera bujqësore, kemi dalë me një raport përfundimtar, dëmi i shkaktuar nga të reshurat e fundit e kalon shifrën e 667 mijë eurove dhe ky raport është dorëzu në kryeministri dhe Ministrinë e Bujqësisë, ende nuk e kemi marrë ndonjë përgjigje zyrtare po presim se çka do të ndërmarrin ata në kompensim të dëmeve, ndërsa dihet që ne nuk kemi fond rezervë për emergjenca të caktuara si drejtori”, tha Bajrami.

Bajrami, në një konferencë të thirrur për media rreth punës gjashtë mujore të Drejtorisë së Bujqësisë, tregoi për projektet që pritet të realizohen në të ardhmen.

“Për vitet e ardhshme kemi projektet e tona që planifikojmë me i realizu siç është mbarsmi artificial për gjithë fondin blegtoral e shumë projekte të tjera siç është mbrojtja nga breshëri, planifikojmë të vendosim sistem kundër mbrojtjes nga breshëri tek pemëtarët, kemi iniciuar procedurat e prokurimit për shpërndarjen e koshereve të bletëve dhe shpejtë do të bëhet njoftimi për ndarjen dhe sasinë e koshereve të bletëve, ndërsa tek rishikimi i buxhetit kam marrë sinjale nga kryetari se do t’i kemi edhe 50 mijë euro shtesë për trajtimin e qenve endacakë dhe projekte të tjera që do të vazhdohen”, tha Bajrami.

Drejtori Bajrami njoftoi se përgjatë 6 muajve kanë bërë shpërndarjen e subvencioneve të ndryshme për fermerët ferizajas, si dhe kanë rritur numrin e trajtimit të qenve endacakë nga 500 në 1 mijë. Sfidë për këtë gjashtë mujor, Bajrami e konsideroi tërheqjen e mjeteve nga përmbaruesit.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 day ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.