Ferizaj

Certifikohen 100 ndërmarrës të rinj në Ferizaj

Published

6 years ago

24 September, 2020

100 të ri ferizajas janë certifikuar pas trajnimeve disa ditore që kanë ndjekur për ndërmarrësi dhe plan biznesi .

Ky projekt i implementuar nga rrjeti i Organizatave Joqeveritare AVONET dhe Instituti për Menaxhim dhe Zhvillim dhe i financuar nga Ministria e Kulturës, e Rinisë dhe Sportit do t’iu mundësoj këtyre të rinjve që të aplikojnë për themelimin e bizneseve të reja.

Gjatë ceremonisë së ndarjes së këtyre certifikatave ishte e pranishme edhe ministrja e Kulturës, e Rinisë dhe Sportit Vlora Dumoshi, e cila deklaroi se dyert e ministrisë janë të hapura për përkrahje për secilin të ri që ka ide konkrete për krijimin e ndonjë biznesi.

“Ky trajnim që ju e keni marrë është i rëndësishëm pasi ju po e filloni një hap të jetës së juaj dhe ju me këtë trajnim tani do të na i paraqitni planet e juaja të biznesit për të cilat MKRS do të ju mbështes për ta filluar biznesin dhe kështu ju do të lironi edhe familjarët e juaj, por do të ndihmoni edhe zhvillimin ekonomik të vendit”, tha Dumoshi.

Udhëheqësja e Drejtorisë së Kulturës, Rinisë dhe Sportit në Ferizaj Xhemile Murati-Shabani, tha se këto certifikata do t’u hynë në punë këtyre të rinjve.

“Realizmi i këtij projekti po besoj se ka me qenë për ju një udhërrëfyes në karrirën tuaj dhe përveç që do të përfitoni ju, do të përfitoj edhe familja juaj”, tha Murati-Shabani.

Drejtori i AVONET-it, Kenan Gashi, u shpreh se me këto certifikata të rinjtë tashmë janë të gatshëm të nisin biznes personal.

“Për 10 ditë çdo grup ka pas fatin që të marrë njohuri elementare deri tek ajo profesionale dhe ka pasur kërkesa që të vazhdohet me projekte të tilla pasi kapacitetet e tyre janë shumë të rëndësishme. Pra, ky trajnim do t’iu mundësoj që të vetëpunësoheni si dhe të ndikoj në uljen e papunësisë”, tha Gashi.

Të sapo certifikuarit si ndërmarrës të rinj thanë se me pak mbështetje nga institucionet janë të gatshëm të fillojnë ndonjë biznes.

“Pas trajnimit që kemi mbajtur me AVONET-in dhe IMD-në sot u certifikova si një ndërmarrëse e re ku tani po e ndjej vetën të gatshme për me fillu një biznes timin, jemi falënderues për mundësinë që na është dhënë nga organizatat dhe Ministria e Kulturës”, tha Vlera Zejnullahu.

Ministrja e Kulturës, e Rinisë dhe e Sportit Vlora Dumoshi, gjatë vizitës në Ferizaj është takuar edhe me kryetarin e komunës së Ferizajt Agim Aliun, ku është zotuar se ky qytet do të bëhet me stadium të ri të futbollit sipas standardeve evropiane. Ajo theksoi se në Ferizaj shumë shpejt do të ndërtohet edhe pallati i kulturës, palestra sportive në Greme të Ferizajt, kompleksi i fushave të tenisit dhe pishina gjysmë-olimpike.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim