Ferizaj
Shenjat e komunikacionit mbulohen nga drunjtë dekorativ
Shenjat e komunikacionit të cilat gjenden përgjatë rrugës ‘’Dëshmorët e Kombit’’ në Ferizaj, janë mbuluar nga gjethet e drunjve dekorativ që janë të mbjellur rreth kësaj rruge. Në këtë mënyrë, vizitorët e Ferizajt e kanë shumë të vështirë që në bazë të shenjave të komunikacionit të dinë se po kalojnë rreth një shkolle apo se kanë afër një rrethrrotullim nga i cili mund të lidhen me pjesë të ndryshme të qytetit. Përveç kësaj, përgjatë kësaj rruge nuk ekzistojnë më as vendkalimet për këmbësore meqë ato janë fshirë me kalimin e kohës. Lidhur me këtë, shqetësim shprehin shoferët ferizajas.
“Të them të drejtën nuk pashë shenja për shkak të pemëve, por unë jam rritur në Ferizaj dhe e di, por ata që vinë nga qytetet e tjera mund të kenë problem për me u orientu”,tha Naim Azemi.
“Në dalje këtu të rrugës “Dëshmorët e Kombit” shenjat janë të mbuluara me pemë, unë e njoh vendin, por të tjerët që vinë e kanë problem, duhet me intervenu dikush”, tha Osman Isufi.
Në Drejtorinë e Shërbimeve Publike janë në dijeni për këtë problem dhe për rrezikun që mund t’u kanoset qytetarëve, por thanë se shumë shpejtë do të marrin masa për këtë çështje.
“Pa dashtë me u largu nga përgjegjësia sinqerisht në vazhdimësi edhe unë e kam potencu po ashtu edhe të tjerët që gjendja nuk është e mirë në kuptimin e vendosjes së shenjave, orientimeve nëpër qytet po ashtu edhe në hyrje e dalje të qytetit, mungojnë informatat sidomos për ata që nuk janë të Ferizajt për me hy dhe me dalë në qytete, në të njëjtën kohë kemi probleme edhe me gjëra të tilla siç është fjala tek vendkalimet e këmbësorëve, por shumë shpejt nga e hëna do të marrim një aksion të tillë për pastrimin konkretisht për krasitjen e disa drunjve dekorativ të cilat janë në zonën e qytetit dhe që po paraqesin pengesë për qarkullim dhe shumë shpejt do të largohen ata drunj dhe do të bëhet krasitja për t’u liruar hapësirat, po ashtu në të njëjtën kohë me kontratën e re që parashihet për shenjat e komunikacionit rrugor dhe ato informuese për qytet ku e kemi nda në pesë lloto do të bëhen disa punë shumë të mira dhe komunikacioni apo informimi për qytetarë dhe vozitës do të jetë shumë efikas”, tha Arben Halili.
Megjithëkëtë, drejtori Halili tha se në adresë të drejtorisë që ai udhëheq nuk është paraqitur asnjë ankesë që ka të bëj me shenjat e komunikacionit.
-
Ferizaj6 days agoGjobitet me 500 € për ndezje zjarri në Sojevë të Ferizajt
-
Kosovë6 days agoKE për hapjen e urës mbi Ibër: Presim konsultime dhe koordinim
-
Kosovë5 days agoNë Zubin Potok identifikohen mbetje kockore të së paku 23 personave
-
Arbëri2 days agoShqipëria arreston tre shtetas të Kosovës në një operacion kundër trafikimit të drogës
-
Kosovë2 days agoHaradinaj propozon Thaçin për postin e presidentit