Arbëri

Lëshohet në punë “Autostrada energjetike” Kosovë-Shqipëri

Published

5 years ago

14 December, 2020

Nisja e këmbimit të magavatëve të parë të energjisë elektrike ndërmjet Kosovës dhe Shqipërisë përmes interkoneksionit 400kV, shënon edhe praktikisht pavarësimin energjetik të Kosovës si zonë rregulluese, në kuadër të bllokut Kosovë-Shqipëri. Me këtë ndërlidhje, ky bllok siguron një stabilitet më të madh energjetik, duke pasur parasysh natyrën mikse dhe komplementare të gjenerimit të energjisë në të dyja vendet, ku Kosova kryesisht gjeneron energji nga djegia e fosileve të ngurta, ndërkaq Shqipëria nga hidrocentralet.

Me këtë rast, Kryeministri i Shqipërisë u prononcua për medie, duke folur për rëndësinë strategjike të kësaj linje:

“Do të ketë hap pas hapi të mira të mëdha mes dy shteteve dhe si rezultat për popullatën brenda dhe jashtë shtetit. Blloku i kontrollit sjell një përfitim të madh për sa i përket pjesës së përbashkët të rezervave, që janë të nevojshme për kontrollin e përbashkët. Kjo do të sjellë rritjen e sigurisë, optimizmin, përshpejtimin e procesit të bashkimit.

Në të gjithë rajonin reduktimi i humbjeve janë gjëra të mëdha që ndodhin falë këtij hapi që hedhim bashkarisht.

Bashkohem me ministren që tha se çka ka bërë OST për të arritur që të shkelet butoni dhe të fillojë qysh prej mesnatës është një shembull kuptimplotë në të gjitha fushat, është një gur kilometrik në rrugën e veprimit të jetës së përditshme të njerëzve. Një falënderim i madh për të gjithë ata që bënë lidhjen. Hapësira e përbashkët shqiptare për sistemin do të jetë një shtyllë në historinë e tregut rajonal që në një të ardhme të afërt do të jetë pjesë e rrjetit europian. Nuk është fundi por vetëm vazhdimi i një rruge kjo që jetojmë sot se fundi është shtrirja e plotë në tregun europian që kalon përmes tregut rajonal. Ju uroj në radhë të parë shëndet për juve e të afërmit tuaj!”

“Autostrada energjetike” 400kV Kosovë-Shqipëri është inauguruar në qershor të vitit 2016, si projekt i bashkëfinancuar nga qeveritë e dyja vendeve përmes huasë nga KfW-ja gjermane.

Arbëri

Qyteti i Ohrit lëkundet nga tërmeti

Published

5 hours ago

16 June, 2025

Redaksia

Maqedonia e Veriut, është goditur nga një tërmet me magnitudë 4.0 ballë të Rihterit.

Njoftimi u bë Qendra Sizmologjike Evropiane-Mesdhetare.

Sipas EMSC-së, epiqendra e tërmetit, që u regjistrua në orën 04:34 sipas kohës lokale, ishte rreth 4 kilometra në veri-perëndim të zonës së qytetit të Ohrit në thellësi prej 5 kilometrash.

Përpos Ohrit me rrethinë, tërmeti u ndje edhe nga banorët në zonat kufitare me Shqipërinë dhe në qytetin e Elbasanit.

Deri më tani, nuk ka informacione për dëme të mundshme apo për persona të lënduar.

Arbëri

Në Tiranë arrestohen dy shtetas të Kosovës, dyshohen për trafikim të armëve

Published

3 months ago

01 April, 2025

Redaksia

Policia e Shqipërisë ka arrestuar në Tiranë dy shtetas të Kosovës, nën dyshimin për trafikim të armëve me vlerë rreth10 mijë euro.

Në njoftimin e policisë shqiptare thuhet se të dyshuarit, A. P., 23 vjeç dhe K. P., 53 vjeç, të dy banues në Kosovë, janë arrestuar në autostradën “Lezhë – Fushë Krujë”, nga njësiti për Hetimin e Trafiqeve të Paligjshme.

“Gjatë operacionit, shërbimet e Policisë kanë ndaluar në autostradën “Lezhë – Fushë Krujë”, automjetin me të cilin qarkullonin shtetasit A. P. dhe K. P., në të cilin, gjatë kontrollit, kanë gjetur dhe sekuestruar 2 armë zjarri pistoleta dhe municion luftarak. Nga hetimet dyshohet se këta shtetas i kanë trafikuar pistoletat nga Kosova, me qëllim shitjen në Tiranë.

Vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë derisa materialet procedurale i kaluan Prokurorisë, për veprime të mëtejshme,” thuhet mes tjerash në njoftim.

Arbëri

Arrestohet kryetari Bashkisë së Tiranës, Erion Veliaj

Published

4 months ago

10 February, 2025

Redaksia

Kryetari i Bashkisë së Tiranës, Erion Veliaj, është arrestuar mesditën e sotme me urdhër të SPAK.

Ndaj Veliajt, Prokuroria e Posaçme po kryente hetime lidhur me disa akuza, si shpërdorim detyre, korrupsion aktiv, korrupsion pasiv, mosdeklarim i pasurisë dhe pastrim parash.

Ndaj Veliajt është miratuar masa e sigurisë “arrest me burg”.

Gjithashtu mësohet se Gjykata ka miratuar masën e sigurisë “arrest në shtëpi” për bashkëshorten e Veliajt, Ajola Xoxaj. Zyrtarë të Byrosë Kombëtare të Hetimit kanë kryer disa herë kontrolle në ambientet e biznesit të bashkëshortes së Veliajt, Ajola Xoxa, dhe vëllait të tij, Arbi Veliaj, transmeton A2CNN.