Ferizaj

Marketet ankohen se nuk po u lejohet të punojnë pas orës 18:00

Published

5 years ago

17 December, 2020

Pronarët e marketeve të vogla të cilat operojnë në komunën e Ferizajt, po ankohen se pas orës 18:00 Policia e Kosovës së bashku me Inspektorët po i mbyllin ato detyrueshëm, edhe pse sipas tyre, në bazë të vendimit të ri marketet lejohen të punojnë edhe pas orës 18:00.

“Në orën 18:00 e mbyllim, ne nuk jemi mirë të informuar se a me punu apo jo. Çdo ditë e mbyllim në këtë orë sepse po vijnë inspektorët dhe po na thonë që duhet me e mbyllë. Jemi interesuar, por nuk jemi të informuar, ne nuk kemi shumë punë me klientë, i marrin pijet ecin. Disa po thonë kemi të drejtë me i mbajtë hapur e disa po thonë jo”, Burim Behluli, pronar i marketit ”Blerta” në Ferizaj.

Deputeti i Kuvendit të Kosovës nga Lëvizja Vetëvendosje Enver Haliti, thotë se niveli lokal është duke i keqinterpretuar vendimet e fundit të Qeverisë. Ai thotë se këtyre marketeve u lejohet të punojnë edhe pas orës 18:00.

“Kohëve të fundit kemi parë që është bërë një padrejtësi ndaj marketeve të vogla në Ferizaj, sepse po keqintepretohen dy vendimet e fundit të Qeverisë së Kosovës që kanë të bëjnë me menaxhimin e pandemisë COVID-19. Fjala është për marketet e vogla të cilat nga Policia e Kosovës dhe Inspektorati Komunal po detyrohen të mbylllen në ora 18:00 edhe pse sipas dy vendimeve të fundit të Qeverisë veprimtaria e këtyre marketeve lejohet të punojnë edhe pas orës 18:00”, tha Haliti.

Në anën tjetër, inspektorati komunal në Ferizaj Besim Uruçi, thotë se janë duke vepruar sipas vendimit të Qeverisë, i cili thotë se këtyre bizneseve nuk u lejohet puna pas orës 18:00.

“Sipas vendimit të Qeverisë numër 0142 i datës 11.11.2020, veprimtaria e këtyre subjekteve është e ndaluar pas orës 18:00 për qytetet që gjenden në zonën e portokalltë. Intepretimi i tyre që lejohet me punu për neve nuk është i saktë, ne jemi konsultuar edhe me zyrën ligjore të Ministrisë së Tregtisë dhe Industrisë dhe një gjë e tillë është e ndaluar pas orës 18:00“, tha Besim Uruçi, inspektor i tregut në komunën e Ferizajt.

6 ditë më parë komuna e Ferizajt është larguar nga zona e kuqe me vendim të Ministrisë së Shëndetësisë. Bazuar në situatën epidemiologjike, kjo komunë tani kategorizohet me rrezik të mesëm të infeksionit.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

5 hours ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

6 hours ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

1 day ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.