Ferizaj

2020-ta ndër vitet më të vështira për shëndetësinë ferizajase

Published

5 years ago

31 December, 2020

Pandemia Covid-19 që në Kosovë nisi më 13 mars, shënoi viktima edhe në qytetin e Ferizajt ku nga kjo sëmundje ndërruan jetë 84 persona, ndërsa u infektuan mbi 2400 persona.

E, në vijën e parë në luftën kundër kësaj sëmundjeje ishin mantelbardhët të cilët sot u vizituan nga kryetari i komunës së Ferizajt Agim Aliu, për t’i falënderuar për punën e bërë gjatë këtij viti pandemik duke uruar që viti 2021 të jetë vit më i mirë për të gjithë qytetarët.

“Nuk munda si kryetar i Ferizajt pa ardhë në ditën e fundit të vitit për të falënderuar të gjithë ata që ishin në ballë të luftës së pandemisë, përmes tyre të falënderoj edhe të tjerët që kanë qenë vazhdueshëm në këtë vijë të frontit të luftës së pandemisë, edhe policët, edhe punëtorët e kompanive, edhe zjarrfikësit, me një fjalë të gjithë t’i falënderoj. Ka qenë një vit ndarjesh që nuk ka mundur lehtë të kalohet, po ashtu dua t’i ngushëlloj të gjithë ato familje që kanë humbur të afërmit e tyre që këtë atmosferë të fundvitit ata nuk e shijojnë siç e kanë shijuar më parë, por mesazhi i mantelbardhëve ka qenë dhe mbetet që duhet ta mundim vdekjen, mbi të gjitha është jeta, kështu që edhe puna dhe angazhimi jonë ka qenë me ta, kemi bashkëvepruar e bashkëluftuar që ta mundim vdekjen, edhe në këtë fundvit kjo është porosia, po e lëmë një vit prapa, një vit të vështirë, një vit ndarjesh e pikëllimesh dhe dhembjesh, por mbi të gjitha duhet luftuar për jetën, le të fitoj jeta, le të fitoj shpresa, le të fitoj dashuria dhe le të fitoj paqja”, u shpreh kryetari i Ferizajt.

Angazhime më shumë se kurdoherë patën mantelbardhët e Institutit të Shëndetit Publik të Kosovës .

“Ka qenë një vit i trishtë, një vit i vështirë, vit i shumë sfidave e dhembjeve edhe për kundër angazhimeve kemi humbur shumë jetë, unë shpresoj që në vitin e ardhshëm të mos e kemi këtë situatë dhe ky vit mos të përsërtitet as në ëndërrat tona më të këqija”, tha Sevdije Mehmeti, e drejtoreshë e Qendrës Rajonale të Shëndetit Publik në Ferizaj.

Normalitet sikur vitet parparake nuk pati këtë vit as në Spitalin e Ferizajt.

”Në 3-mujorin e parë në kemi pasur një punë normale, ndërsa nga 13 marsi kur janë paraqitur rastet e para ne kemi filluar me identifikimin e rasteve të para dhe më datën 28 kemi filluar trajtimin e rastit të parë me Covid-19 dhe në këtë mënyrë Spitali i Ferizajt ka filluar trajtimin e kësaj pademie dhe në këtë mënyrë spitali i përgjithshëm nga marsi e deri më tash i ka trajtuar 2600 raste, vizita specialistike për Covid-19, ndërsa diku i kemi pasur mbi 650 hospitalizime dhe është për t’u theksuar se kapaciteti i Spitalit të Ferizajt se asnjë qytetarë i regjionit tonë nuk ka mbet pa marrë trajtim”, tha Jeton Zeqiri, drejtor i Spitalit të Ferizajt.

Nga sëmundja Covid-19 këtë vit ka humbur jetën edhe një punonjës shëndetësor i Ferizajt.

Ferizaj

Arrestohen dy persona në Ferizaj për posedim të kokainës

Published

20 hours ago

26 May, 2026

Redaksia

Policia në Ferizaj ka arrestuar dy persona të dyshuar për posedim të kokainës.

Në raportin 24 orësh të policisë bëhet e ditur se gjatë kontrollit të veturës në të cilën ishin të dyshuarit, janë gjetur 5.79 gramë kokainë, kurse më pas, gjatë kontrollit në shtëpinë e njërit prej tyre, janë gjetur dhe konfiskuar edhe 26.09 gramë të tjera të kësaj substance narkotike.

Rasti raportohet të ketë ndodhur të hënën mbrëma, më 25.05.2026, rreth orës 21:30 në rrugën “Besim Rexhepi” në Ferizaj.

Me vendim të prokurorit të dyshuarit janë dërguar në mbajtje.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

5 days ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

6 days ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.