Ferizaj

Gjendja e 13 të lënduarve nga shpërthimi në Ferizaj vazhdon të mbetet e njëjtë

Published

4 years ago

14 January, 2021

13 persona të lënduar nga shpërthimi i bombolës së gazit në restorantin ”Steak House” në Ferizaj, po vazhdojnë të trajtohen nëpër institucione shëndetësore brenda dhe jashtë vendit.

6 prej tyre janë duke marrë trajtim jashtë shtetit pasi kanë pësuar 30-50% djegie, ndërsa 7 të tjerë po mjekohen në Qendrën Klinike Universitare të Kosovës në Prishtinë.

Afërdita Hoxha, e cila në vazhdimësi është në kontakt me familjarë të personave të lënduar, tha se gjendja shëndetësore e 6 personave të dërguar jashtë shtetit vazhdon të mbetet e njëjtë, pa ndonjë ndryshim.

“Bazuar në bisedat që kemi me familjarët gjendja e tyre nuk ka ndonjë ndryshim, nuk ka as përkeqësime e as përmirësime, është një gjendje që pritet brenda 20 dite të shikohet nga mjekët në Turqi, për 4 persona në këtë rast, se si do të jetë situata e tyre shëndetësore, ndërsa edhe për në Austri familjarët kanë thënë se kanë një gjendje stabile, por spitalet edhe në Turqi edhe në Austri janë shumë strikt dhe nuk japin shumë informacione, ndërsa 7 persona që janë në QKUK janë më mirë, kanë përmirësime dhe janë më pak të lënduar”, tha Hoxha.

Hoxha është duke vazhduar grumbullimin e fondeve për t’i ndihmuar financiarisht të lënduarit, të cilat thotë se do t’ua ndaj në mënyrë proporcionale të gjithë të lënduarve.

“Ne që në fillim u mobilizuam pasi dëshironim të kemi fonde të gatshme në çdo rast dhe ne jemi ende duke i grumbulluar dhe do ta bëjmë shpërndarjen tek i gjithë grupi i të lënduarve, pasi periudha e tyre e shërimit është shumë e gjatë dhe natyrisht mjetet financiare janë shumë të nevojshe për ta”, tha Hoxha.

Nga shpërthimi i bombolës së gazit në restorantin “Steak House” në Ferizaj, përveç shumë të lënduarve u shënuan edhe dëme të mëdha materiale në vendin ku ndodhi shpërthimi dhe në lokalet përreth.

Ferizaj

Lëndohet një person në vendin e punës në Ferizaj

Published

3 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

5 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

5 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.