Ferizaj

Ali Mehmeti boton librin “Drejtori i Reformave” që i kushtohet Sabri Berishës

Published

5 years ago

19 January, 2021

Veprimtari politik Ali Mehmeti ka publikuar librin e tij më të ri të tij të quajtur “Drejtori i Reformave”, që i është kushtuar veprimtarit ferizajas Sabri Berisha.

76 vjeçari Mehmeti tregon se me Sabri Berishën ishin njohur në demonstratat e vitit 1968 dhe që nga ai vit ata mbajtën miqësi për më shumë se gjysmë shekulli.

“Ai gjithmonë ka qenë opozitë e sistemit, ka qenë drejtor në ”Minex”, ndërsa para ”Minexit” ka qenë arsimtar në shkollë teknike, në ”Minex” ka bërë punë të madhe, e ka kthyer për së mbari prodhimin, e ka rritur gamën e prodhimit, pastaj e ka formuar në vitet e 80-ta një shoqëri kulturo-artistike me punëtorët e ”Minexit” që ka ndikuar në rritjen e vetëdijes kombëtare, kështu pushteti komunal i atëhershëm ka marrë masa ndaj tij dhe ia ndërroi vendin e punës, pastaj themeloi kooperativën bujqësore ku punësoi punëtorë që ishin larguar nga puna në vitet e 90-ta, pastaj ka ndihmuar shumë të varfërit me ndihma, nuk ka kursyer kurrë asgjë”, tregon Mehmeti.

Mehmeti thotë se Berisha shënoi suksese edhe gjatë udhëheqjes së shkollës fillore “Gjon Serreçi” në Ferizaj.

“Unë isha kryetar i qeverisë në Ferizaj dhe më patën thënë me zgjedh drejtor Sabriun, unë personalisht e njihja personalitetin e tij, por kishte kaluar kohë nga ndarja e tij me arsimin, ndërsa ai pranoi por me një shkollë ku ka probleme më së shumti dhe e dërguam në “Gjon Serreçi” pasi ajo ishte shkollë e madhe dhe aty me të vërtet bëri kthesa të mëdha. Sabriu ka qenë edhe mbrojtës i të drejtave kombëtare, ai kudo që ka shkuar nëpër vende të jashtme nuk ka kursyer me e mbrojt integritetin kombëtar dhe me e kritiku pushtetin serb, ndoshta edhe midis Beogradit. Ai që e lexon këtë libër do ta sheh fytyrën e vërtet të Sabriut i cili ka merituar shumë”, tha Mehmeti.

Ali Mehmeti tha se Sabri Berisha e ka merituar që të vlerësohet më shumë nga qeveria e Ferizajt për kontributin e tij të dhënë për shoqërinë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim