Ferizaj

Anulohet kontrata në vlerë 750 mijë euro, INPO kërkon hetime

Published

5 years ago

26 February, 2021

Aktorë, gazetarë, kameramanë e kuratorë ishin ndër 53 pozitat e ndryshme të cilat ishin shpallur në tenderin e komunës me emrin “Kryerja e shërbimeve mbështetëse profesionale për nevojat e komunës së Ferizajt”. Përmes këtij tenderi komuna e Ferizajt planifikonte t’i punësonte 53 persona përmes operatorëve ekonomik, tender ky që buxhetit të Ferizajt do t’i kushtonte më shumë se gjysmë milioni euro.

Por, ditë më parë komuna njoftoi se e ka anuluar këtë kontratë që e kishte nënshkruar me operatorin “ECO&CONTO”, pa dhënë ndonjë arsyetim.

Arbenita Topalli nga organizata joqeveritare ”Inciativa për Progres”, thotë se qysh në fillim kishin dyshime për këtë tender duke marrë parasysh që komuna po kërkonte zyrtarë të cilët tashmë i ka në komunë, ndërsa shkeljen më të rëndë thotë se e bëri kur tejkaloi vlerën inicuese për më shumë se 250 mijë euro.

“Në brendi të këtij aktiviteti ne kemi vërejtur se ka shkelje ligjore për arsye se në brendi të dosjes së tenderit mungojnë specifikacionet e shërbimeve. Në këtë rast i binte që kompania që do të kontraktohej do të kryente shërbime që nuk kryhen në komunë, por që realisht ato pozita që figurojnë në konkursin e operatorit veçse ekzistojnë në komunë dhe këtë të drejtë e ka vetëm komuna t’i hap këto konkurse. Po ashtu, kemi rastin që ky aktivitet me planin e prokurimit është planifikuar të jetë në vlerë prej 500 mijë euro, ndërsa me inicimin e kësaj procedure është rritur çmimi deri në 750 mijë euro, që do të thotë se automatkisht ka shkelje“, tha Topalli.

Topalli konsideron se nuk është i mjaftueshëm vetëm anulimi i tenderit, por kryetari i komunës duhet të kërkoj llogari nga personat që u morën me këtë tender.

‘Ne e mirëpresim një veprim të tillë të kryetarit, por konsiderojmë që kryetari nuk duhet të mjaftohet me këtë veprim edhe presim që të angazhohet dhe të kërkoj llogari nga zyrtarë apo persona që e kanë bërë këtë aktivitet të kundërligjshëm dhe të sigurohet që paraja publike është duke u menaxhuar në mënyrë ligjore”, tha Topalli.

Shoqëria civile në Ferizaj dyshon se nga kontrata që veçse ishte nënshkruar me operatorin ekonomik “ECO&CONTO”, ekzekutivi po planifikonte të bënte punësime për të rehatuar militantët partiak pikërisht në vitin zgjedhor që tashmë jemi .

Për këtë tender, Televizioni Tema ka disa javë që po tenton të marrë një përgjigje nga inicuesja e këtij tenderi, Drejtoria e Administratës, por udhëheqësja e kësaj drejtorie Aurora Ramadani ka refuzuar të prononcohet me arsyetimin se ka mungesë të informacioneve për këtë tender.

Ekipi ynë ka tentuar të marrë përgjigje edhe nga udhëheqës të Zyrës së Prokurimit dhe nga nënshkruesi i këtij tenderi nënkryetari i komunës Arton Gavazi, mirëpo një gjë e tillë ishte e pamundur.

Ferizaj

Siguria juaj fillon me zgjedhjen e duhur të sigurimit

Published

7 hours ago

09 July, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Ferizaj

Arrestohet një i mitur në Ferizaj, i dyshuar për kanosje dhe armëmbajtje pa leje

Published

9 hours ago

09 July, 2026

Redaksia

Policia në Ferizaj ka arrestuar një 16 vjeçar nën dyshimin se ka kanosur dy persona me armë zjarri.

Sipas njoftimit të Policisë, rasti është raportuar më 08.08.2026, rreth orës 23:40. Në vendngjarje janë personat e përfshirë në incident. Në stacionin policor janë shoqëruar dy viktimat dhe një person i dyshuar.

Gjatë kontrollit, tek i dyshuari F.A. (16 vjeç) është gjetur një pistoletë me gaz dhe 6 fishekë.

Lidhur me rastin janë intervistuar dy viktimat, ndërsa personi i dyshuar, për shkak se ndodhej nën ndikimin e alkoolit, nuk ka qenë në gjendje të intervistohej.

Me vendim të prokurorit të shtetit, i dyshuari është ndaluar për 24 orë dhe ndaj tij është iniciuar procedura hwtimorw për veprat penale “Kanosje” dhe “Mbajtje në pronësi, kontroll ose posedim të paautorizuar të armëve.”

Ferizaj

Shkaku i asfaltimit bllokohet qarkullimi në rrugën Brezovicë – Prevallë

Published

10 hours ago

09 July, 2026

Redaksia

Për shkak të punimeve në rrugën R115, segmenti rrugor Brezovicë – Prevallë, mbyllur për qarkullim nga ora 08:00 deri në ora 18:00 të ditës së sotme (9 korrik 2026).

Në njoftimin e Ministrisë së Infrastrukturës bëhet e ditur se gjatë kësaj kohe është planifikuar asfaltimi i një segmenti rrugor në gjatësi prej 1,050 m.

“Mbyllja e përkohshme e këtij segmenti është e domosdoshme për garantimin e sigurisë së pjesëmarrësve në trafik dhe të personelit të angazhuar në punime, si dhe për të siguruar realizimin cilësor të shtresës së asfaltit”, thuhet mes tjerash në njoftim.

Ndërkaq policia, kërkon nga qytetarët mirëkuptim dhe kërkon që të shmangin lëvizjen në këtë rrugë në kohën e lartcekur duke shfrytëzuar rrugët alternative.