Ferizaj

27 pacientë me Covid-19 po trajtohen në Spitalin e Ferizajt

Published

3 years ago

01 March, 2021

Rritjes së numrit të personave të prekur me koronavirus ditëve të fundit në Kosovë, nuk i ka shpëtuar as komuna e Ferizajt. Vetëm gjatë dy ditëve të këtij vikendi në këtë qytet u konfirmuan 34 raste pozitive, duke e çuar në 137 numrin e të infektuarve aktiv.

Drejtori i Spitalit Rajonal të Ferizajt Jeton Zeqiri, tha se si pasojë e rritjes së rasteve me Covid-19, në këtë institucion shëndetësor është rritur edhe numri i pacientëve të shtrirë.

“Situata është e menaxhueshme, është një rritje e lehtë, momentalisht në spital i kemi 27 pacientë që janë të hospitalizuar dhe gjendja e tyre e përgjithshme është relativisht stabile. Çdo ditë i kemi 10 pacientë që kërkojnë shërbime specialistike, kështu që ka filluar një rritje e lehtë. Siç e dini ditëve të fundit kemi rritje të numrit të cilët janë pozitiv dhe kjo është shqetësuese për neve pasi pas 2 jave këta pacientë kanë me kërku nevojë mbështetëse për oksigjeno-terapi”, tha Zeqiri.

Zeqiri thotë se rritja e numrit të të infektuarve mund të shkaktoj sërish telashe në ofrimin e shërbimeve të tjera shëndetësore brenda këtij spitali.

“Spitali i Ferizajt i ka vetëm 70 shtretër të dedikuar për trajtim të Covid-19 dhe çdo rritje enorme e numrit neve na shkakton probleme në organizim të punës, por edhe në mbylljen e shërbimeve të tjera që tashmë vetëm i kemi hapur dhe kjo është ajo problematika që neve na shkakton rritja e rasteve”, theksoi Zeqiri.

Gjatë ditës ekipi i Televizionit Tema provoi të marrë një prononcim edhe nga drejtoresha e Qendrës Rajonale të Shëndetësisë Publike në Ferizaj Sevdije Mehmeti, në lidhje me numrin e kërkesave për testime, por ajo nuk pranoi të flas me arsyetimin se është e zënë dhe se nuk ka informacione për numrin e testimeve që bëhen në institucionin që ajo drejton.

Derisa ekipi ynë qëndroi në këtë qendër, disa qytetarë kishin ankesa se ka mbi 10 ditë që kanë kryer teste, por që ende nuk janë lajmëruar për rezultatin.

Ferizaj

Arrestohet një ish zyrtar i gjendjes civile në Ferizaj

Published

2 days ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

3 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

3 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.