Ferizaj

Ndikimi i pandemisë COVID-19 gjatë një viti

Published

5 years ago

12 March, 2021

Një vit më parë në Kosovë nisën të zbulohen rastet e para me Covid-19, duke bërë që në vend të vendosen edhe masa kufizuese për të mbajtur nën kontroll ritmet në rritje të përhapjes së virusit, i cili vazhdon të jetë prezent edhe sot.

Përgjatë një viti pandemia pati ndikimin e saj jo vetëm në shëndetin e njerëzve, por dhe tek bizneset.

Agon Zhinipotoku përfaqësues i gastronomëve në Ferizaj, thotë se më së shumti humbje iu shkaktua këtij sektori.

“Një vit shumë i rëndë, sektori që më së shumti ka humbur ishte sektori i gastronomisë, ka pasur mungesë të përkrahjes, largim të punëtorëve dhe tani po flitet edhe për një mbyllje të dyë që për neve do të jetë katastrofike. Përveç këtyre ne jemi përballur edhe me dënime të cilat kalojnë shifra të larta, por ajo që neve na bënë mos me besu është që gjatë fushatës politike kishte tubime politike dhe nuk ishte numri i lartë i të infektuarve, ndërsa tani me të përfunduar zgjedhjet u rritën rastet”, tha Zhinipotoku.

Masat kufizuese bën që disa biznese të jenë totalisht pasive, siç janë sallat e dasmave.

“Ne kemi investu në dy objekte dhe realisht në vitin që shkoi nuk i kemi shfytëzur fare dhe vetëm kemi investuar e nuk kemi marrë asgjë, ndërsa pas atji investimi tani është presioni i bankave, pasi ato investime i kemi bërë me hua”, tha Meriton Muhaxheri, pronar i sallës së dasmave ”Eleganti”.

Moslejimi i ahengjeve familjare ka ndikuar edhe në buxhetin e këngëtarëve.

“Ka ndikuar mjaft keq edhe tek ne këngëtarët, na ka dëmtuar mjaft shumë, brenda këtij viti sa nuk kemi pasur dasma e ahengje ka qenë mjaft e vështirë edhe për ne, pasi unë e mbaj familjen me këtë profesion dhe nëse ndodhë edhe një mbyllje tjetër do të jetë mjaft e vështrirë“, tha Liridon Sadriu këngëtar.

Përveç ndikimit në shëndetësi e në ekonomi, pandemia rriti edhe numrin e rasteve të dhunës në familje, ku gjatë një viti u raportuan dhjetëra raste në Policinë e Ferizajt.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.