Ferizaj

Shtimi i 6 propozimeve të reja ngjall reagime në KPF

Published

5 years ago

22 March, 2021

Anëtarët e Komitetit për Politikë dhe Financa të komunës së Ferizajt, u mblodhën sot për t’ia proceduar Asamblesë Komunale pikat e rendit të ditës e që paraprakisht ishin planifikur 7 propozim-vendime. Por, në momentin e fundit ekzekutivi i Ferizajt i propozoi Komitetit edhe 6 pika të tjera, në mesin e të cilave ndarjen e mjeteve financiare për subvencionimin e ndërtimit të shtëpive për familjet me gjendje të rëndë sociale dhe propozimin për ndarjen e mjeteve për ndërmarjen ”Stacioni i Autobusëve” në mënyrë që të paguhen nga dy paga për punëtorët e kësaj kompanie.

Shtimi i këtyre pikave ngjalli reagimin e anëtarëve të Komitetit për Politikë e Financa.

“Vërtet nuk është serioze me propozu pika të rendit të ditës jashtë propozimit të rregullt. 7 pika i kemi të përcaktuara në material dhe 7 të tjera propozohen të futen këtu, e të cilat nuk kanë fare rëndësi, është dashur me kohë me i propozu nëse janë urgjent. Mund të futet një ose dy pika, por kështu nuk ka asnjë kuptim, vërtet nuk është serioze sepse asnjëra nuk e ka me urgjencë”, tha Xhavit Zariqi nga AAK-ja.

“Sa i përket pikave që i kemi sjellë sot nuk mendoj që janë aq të parëndësishme. Nga ”Stacioni i Autobusëve” e kemi marrë me vonesë kërkesën e tyre që nuk ka mundur t’i realizoj pagesat e punëtorëve dhe komuna është aksionare e kompanive dhe duhet ta ndihmojmë, prandaj nuk kemi mundur në fillim me propozu”, tha Sebahate Ajeti-Sadiku, drejtoreshë e Financave.

Dy propozime të tjera që ngjallën reagime ishin ato të Drejtorisë së Pronës për shpallje të interesit të përgjithshëm të një ngastre kadastrale në Rahovicë dhe një në Ferizaj.

“Ky propozim ka të bëj me shpallje të interesit të përgjithshëm të pjesës së ngastrës kadastale 674-0 zona kadastrale në Rahovicë me sipërfaqe 1 ari e 25. Është paralajmërimi i fundit se do t’i drejtohet gjykatës“, tha Sabri Murseli, drejtor i Pronës.

“Rruga Rahovicë-Kishnapole është projekt i ministrisë dhe ministria duhet t’i kryej kompensimet, nuk është dashur me pranu, unë po iu them që jeni duke i bërë punët shkel e shko, pse me kompensu komuna?!”, tha Xhavit Zariqi.

Seanca e Kuvendit të Ferizajt do të mbahet pas 3 dite.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.