Ferizaj

Ferizaj i mbushur me deponi ilegale të mbeturinave

Published

6 years ago

02 April, 2021

Xhama, goma, shishe të plastikës, qese, patate e madje edhe pjesë të makinës, janë pamjet që e karakterizojnë rrugën e vjetër për në Balaj, e cila gjendet afër kazermës së Forcës së Sigurisë së Kosovës në Ferizaj.

Madje, kjo deponi ilegale u bë vendstrehim edhe për këta dy këlyshë të vegjël.

Rruga e cila frekuentohet nga banorët e fshatit Balaj është vështirë e kalueshme, për shkak të mbeturinave që janë grumbulluar në të dyja anët e rrugës.

Banorët të cilët nuk deshën të deklarohen para kamerës, u ankuan se personat e pandërgjegjshëm po i hedhin këto mbeturina. Ata patën kritika edhe për institucionet të cilat nuk po e pastrojnë këtë pjesë.

Hiç më mirë se kjo rrugë nuk është as lumi i Nerodimës në fshatin Nerodime të Ferizajt.

Përgjatë lumit ka mbeturina të ndryshme duke filluar nga shishet e deri tek thasët e bërllokut.

Personat të cilët e frekuentojnë këtë vend për piknik, nuk e largojnë bërllokun të cilin e bëjnë vet.

Dikush madje e “pa të udhës” që afër lumit të hedh edhe materiale ndërtimore.

Rruga në lagjen Sherret afër shkollës “Afrim Abazi” gëlon nga mbeturinat në të dyja anët.

Përgjatë kësaj rruge të stërmbushur me mbeturina qarkullojnë çdo ditë nxënësit që vijojnë mësimet në këtë shkollë.

Për papastërtinë në rrugën ku kalojnë nxënësit, kritika ndaj qytetarëve që i hedhin mbeturinat pati drejtori i shkollës, Mustafë Zejna.

Ai kërkoi bashkëpunim edhe nga banorët që t’i njoftojnë organet kompetente për largimin e këtyre mbeturinave.

“Problem kanë nxënësit sepse mund të ndodhë lloj-lloj mbeturine që mundet me pas edhe pasoja të rënda për frymëmarrje apo edhe ndonjë pandemi apo sëmundje. Duhet pak më tepër me u kujdes kjo pjesë e fshatit në bashkëpunim me mua dhe me ”Pastërtinë“, u shpreh Mustafë Zejna.

E, Gazmend Ismajli, zëvendës i përgjegjësit të operativës në kompaninë e pastrimit “Pastërtia” në Ferizaj, tregon se këto rrugë janë pastruar disa herë por prapëseprapë janë mbushur me mbeturina.

“Jemi në bisedime me Kuvendin Komunal dhe besoj që shumë shpejt kemi me marrë masa aty dhe t’i eliminojmë ato deponi, sepse zakonisht ato deponi shumë shpesh po na përsëriten nga mosedukata”, theksoi Gazmend Ismajli.

Ismajli apeloi tek qytetarët që të drejtohen tek komania “Pastërtia” dhe tek Komuna e Ferizajt që t’iu bëhet zgjidhje për mbeturina, e jo të hedhen vend e pa vend.

Ferizaj

Siguria juaj fillon me zgjedhjen e duhur të sigurimit

Published

21 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

21 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.