Ferizaj

Shkolla Austriake e Shkencave të Aplikuara shpërndan 22 bursa

Published

5 years ago

17 May, 2021

Në Universitetin e Shkencave të Aplikuara në Ferizaj u mbajt ceremonia e shpërndarjes së 22 bursave nga “Shkolla Austriake e Shkencave të Aplikuara”.

Bursat në vlerë prej 2 mijë eurosh u dhanë për personat e interesuar për të ndjekur kurset “Menaxhim Projekti” dhe “Menaxhim Biznesi”.

Menaxheri ndërkombëtar i ASAS-Austrian School of Aplied Studies, Herbert Schiler, tha se kurset do të jenë online.

“Kursi i “Menaxhimit të projektit” do të mbahet plotësisht online, askush nuk ka nevojë të vijë në universitet, por të gjithë mund të studiojnë nga shtëpia apo puna, kudo dhe kurdo që duan. Ne po u japim bursa, saktësisht 24 personave që janë dashur të kalojnë një test për të përfituar bursën dhe të kenë një diplomë Bachelor-i, çdokush ka mundur të aplikojë për këtë bursë. Jemi të hapur të japim bursa për gratë ndërmarrëse dhe minoritete. Ky kurs mund të ndiqet online në Universitetin e Grazit me një çmim prej 2000 euro, pra secila bursë është në vlerë prej 2000 eurove”, tha Schiler.

Arbër Gola i cili është njëri nga përfituesit e kësaj burse, thotë se kurset e tilla janë shumë të nevojshme.

“Kjo ka qenë një mundësi e mirë dhe e veçantë, që në Kosovë janë të rralla, po janë shumë të mirëseardhura. Menaxhimi i Projekteve në Kosovë është i vonuar, por ka perspektivë shumë të madhe dhe shumë biznese e institucione janë të fokusuara në formën e projektit. Unë pres të certifikohem dhe të mësoj praktika të mira ndërkombëtare për të meaxhuar projektet edhe këtu në Kosovë.. Këto lloj trajnimesh dhe certifikimesh janë shumë të nevojshme për të rinjtë në Kosovë, për të avancuar dhe për t’iu përshatatur nevojave të tregut të punës“, thotë Gola.

Rektori i Universitetit të Ferizajt Agron Bajraktari, tregon se ky projekt i mësimit online ishte paraparë të fillonte më herët, por pandemia e shtyu.

“Nga eksperienca te stafi ynë dhe 22 përfituesit që do të certifikohen për këtë lloj mësimi, përgatitjen e kurrikulave, mënyrën e dhënies së mësimit në distancë, duke mos e larguar mësimin fizik, sepse për Shkencat e Aplikuara nuk është e lehtë të largohet mësimi fizik. Bashkëpunimi profesor-student dhe në biznes duhet të jetë gjithmonë varianti më i mirë”, tha Bajraktari.

Pas shpërndarjes së bursave, USHAF mbajti edhe aktiviktetin “Dyer të hapura” ku maturantët patën mundësi të shohin kushtet që ofron ky Universitet.

Ferizaj

Gjatë qershorit në Ferizaj janë konfiskuar 74 motoçikleta

Published

3 hours ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

3 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

3 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.