Ferizaj

Në gjimnaz “bëjnë be” se s’ka më regjistrime nxënësish “me të njofshëm”

Published

5 years ago

30 June, 2021

Tanimë në Ferizaj është hapur konkursi për pranimin e nxënësve në klasët e dhjeta të shkollave të mesme.

Bajram Rexhepi, drejtor i gjimnazit “Kuvendi i Arbërit” në Ferizaj ka bërë të ditur se në këtë shkollë sivjet do të pranohen 420 nxënës të rinj.

“Mund të ju informoj se gjimnazi “Kuvendi i Arbërit” e ka edhe sistemin online të aplikimit, çka do të thotë se nxënësit munden me apliku në formën online prej ditës së enjte. Aty mund të aplikojnë, i kanë të gjitha të dhënat. Sistemi i pranon vetëm ata nxënës që i plotësojnë kriteret, sepse janë disa kritere të cilat duhet të plotësohen dhe sistemi në mënyrë automatike thotë se ju i keni plotësuar kriteret. Kështu që me datën 5, 6 dhe 7 korrik, nxënësi vjen në shkollë, e bëjmë verifikimin dhe në këtë formë e ka të qartë se sa poena i ka”.

Rexhepi tutje thotë se praktika që të shtohen paralele të reja pas pranimit të nxënësve sivjet është e pamundur të ndodhë.

“Qe dy vjet nuk është duke u praktiku kjo, viteve më herët ndoshta ka qenë, por qe dy vite nuk është duke u praktiku. Kjo do të thotë se numrin e paraleleve që ne e parashohim me konkurs ato do të pranohen, prandaj mos u shqetësoni se nuk ka me pasë. Pasi që e kemi sistemin online, çdo prind e nxënës mundet me e pa aty, në mënyrë elektronike, këto të dhëna i shkojnë edhe DKA-së. Kjo na e ka lehtësuar edhe neve punën shumë që nuk ka ndërhyrje, sivjet i kemi 15 paralele dhe 15 kanë me mbetë, edhe s’kemi kapacitet më shumë. Edhe po deshëm me i ba 16 ose 17, nuk kemi vend”.

Rezultatet për pranimin e nxënësve të klasës së dhjetë në këtë shkollë shpallen më 8 korrik.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

48 mins ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

2 hours ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

1 day ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.