Ferizaj

Familjarët e të pagjeturve, shprehin revoltën me heshtje

Published

4 years ago

30 August, 2021

Në Ditën Ndërkombëtare për Personat e Zhdukur, u organizuan homazhe, në Ferizaj, tek Obelisku i Personave të Zhdukur, në kujtim të atyre që na mungojnë ndër vite.

Homazhet u organizuan nga Shoqata “Yjet e Zemrave”, që tubon pjesëtarët e familjarëve të personave të pagjetur.

Asnjëri prej tyre nuk foli para kamerave, ata zgjodhën heshtjen që të shprehin revoltën e tyre, që as pas 22 vitesh, fati i të dashurëve të tyre nuk është ndriçuar.

Ishte vetëm Kryetari i kësaj shoqatës, Salih Muhaxheri, që rrëfeu se në Komunën e Ferizajt, janë edhe 14 individë të zhdukur në luftë, nga forcat serbe, që nuk janë gjetur ende.

“Me aktivitet kemi filluar sot qysh në orën 09:00 në Prishtinë. Kemi fillu me marsh që nga “Zahir Pajaziti” deri tek Kuvendi ku është obelisku për të pagjeturit. Sot kemi bërë edhe ekspozitë me fotografitë e të pagjeturve dhe masakrave të ndryshme në Kosovë. Janë bërë 22 vjet, koha po shkon por neve ende po na mungojnë të pagjeturit dhe ende po shpresojmë që një ditë kjo do të merr fund”.
Salih Muhaxheri – Kryetar i shoqatës “Yjet e Zemrave”

Salih Muhaxheri – Kryetar i shoqatës “Yjet e Zemrave”

Sali Muhaxheri i cili ka të zhdukur bashkëshorten, tregoi se jeta e tyre që atëherë e deri më sot është një ankth i papërshkrueshëm.

“Dje kemi pasë takim tek kryeministri, Këshilli Organizativ i të Pagjeturve. Kemi një premtim prej kryeministrit që të pagjeturit do të jenë çështje prioritare, po besoj që do i jepet prioritet kësaj kauze. Kjo kauzë po i rëndon familjarët shumë. Qe 22 vjet duke jetu në ankth, është kohë shumë e gjatë me pritë. Shpresa vdes e fundit, po shpresojmë që një ditë edhe kjo kauzë do të merr fund”.
Salih Muhaxheri – Kryetar i shoqatës “Yjet e Zemrave”

Derisa ata kishin marrë premtimin, që çështja e e të pagjeturëve tash e tutje do të trajtohej me përparësi nga autoritetet qeveritare. Në gjithë Kosovën besohet se janë ende mbi 1600 persona të cilët janë zhdukur gjatë luftës së fundit.

Ferizaj

Lëndohet një person në vendin e punës në Ferizaj

Published

1 day ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

3 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

4 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.