Ferizaj

Produktet me afat të skaduar, shqetësim për qytetarët

Published

8 years ago

23 August, 2018

Produktet me afat të skaduar, cilësia e dobët e ushqimit të importuar, skandalet e shpeshta me mishin e prishur si dhe mashtrimet me çmimet e artikujve, janë disa nga problemet me të cilat përballen pothuajse çdo ditë qytetarët e këtushëm.

Vetëm dje Inspektorati i komunës së Ferizajt ka hasur në një sasi të konsideruar të produkteve me afat të skaduar në njërin nga marketet që operon në Ferizaj.

“Para tri jave e kemi filluar fazën e dytë ku na ka rezultuar një gjendje relativisht e mirë me përjashtim ka qenë dje një supermarket ku nuk e ka pasur gjendjen e mirë, janë disa keksa e produkte të tjera ku një pjesë e tyre kanë qenë në rafte të shitjes dhe duke e pas parasysh këtë kanë qenë inspektorët sanitarë, të tregut dhe mjedisit dhe atë sasi të produkteve e kanë asgjësuar dhe për të njëjtin subjekt do të inicohet procedura në Gjykatën Themelore në Ferizaj”, theksoi Berisha.

Për produktet me afat të skaduar shqetësim shprehin edhe qytetarët. Mërgimtari Ekrem Nebihu, thotë se disa herë ka hasur në produkte të cilat nuk kanë pasur afat.

”Atje janë të gjitha të sigurta, me qenë afati i skaduar merren masa menjëherë e këtu është më ndryshe, kam hasur disa raste, por nuk mund t’i tregoj vendet, unë nuk e kam bërë të madhe, por kjo gjë është shumë e keqe e sidomos kur kam lexuar për mish të prishur është katastrofë”, tha Nebihu.

Në Inspektoratin komunal njoftuan se gjoba për marketet që mbajnë produkte me afat të skaduar fillon nga 5 mijë deri në 50 mijë euro.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

7 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.