Ferizaj

Prindërit të shqetësuar për kushtet në shkollën ”Gjon Serreçi”

Published

8 years ago

24 August, 2018

Megjithë pastrimin dhe gëlqerosjen e klasave, gjendja në shkollën “Gjon Serreçi” në Ferizaj vazhdon të mbetet e mjerueshme. Drejtori i kësaj shkolle Nazmi Heta, thotë se për gjendjen në të cilën ndodhet kjo shkollë i ka njoftuar të gjitha organet kompetente mirëpo asgjë nuk ka ndryshuar.

“Objekti është i pastruar tërësisht, është i lyer me bojëra ndërsa në nyje sanitare kemi intervenuar shumë pak pasi ato janë në një nivel shumë të keq edhe pse kemi kërkuar ndihmë nga organet përgjegjëse si në nivelin komunal po ashtu edhe në Ministri, kemi dërguar me kohë edhe fotografi të objektit e kemi përshkruar edhe gjendjen në të cilën është objekti, kemi kërkuar që të intervenohet në disa segmente që janë më urgjente, kemi përmendur nyjet sanitare, dyshemetë dhe rrjetin elektrik, ne këtu ende i kemi siguresat klasike, nuk i kemi ende siguresat moderne të cilat janë më të sigurta për shëndetin e fëmijëve , pra kemi ende një rrjet me mjete të stërvjetruara”, tha Heta.

I mllefosur për gjendjen e kësaj shkolle shprehet kryetari i Këshillit të Prindërve Ajet Hoxha. Ai thotë se nuk do të lejoj që nxënësit të vijojnë mësimin në këtë objekt.

“Nuk jemi assesi të kënaqur me gjenden sanitare, ndërsa unë nuk mund t’i lë më nxënësit kështu në këtë gjendje dhe mendoj ta ndëpres mësimin kur të fillon, e kemi këtu edhe shkollën e mjekësisë aty ka klasë me u zgjeru, por nuk po e lëshojnë, ndërsa përveç kësaj gjendje në këtë shkollë ora mësimore është 30 minuta, kjo është marri, 360 orë në vit po i humb një klasë”, tha Hoxha.

Kurse, drejtori i Arsimit në Ferizaj Afrim Llabjani, thotë se nuk kanë intervenuar në këtë objekt, pasi planifikojnë që pas një viti të ndërtojnë një objekt të ri për gjimnazin “Dr.Shaban Hashani”, ndërsa objektin e këtij gjimnazi ta shfrytëzoj shkolla “Gjon Serreçi”.

“Ne shumë shpejt do të fillojmë me ndërtimin e një shkolle të re e cila planifikohet të ndërtohet tek gjimnazi “Kuvendi i Arbrit”, në atë shkollë ne kemi planifikuar që do ta bartim gjimnazin “Shaban Hashani” dhe po shpresojmë që nga viti i ardhshëm ne do të mund të krijojmë hapësirë të re për “Gjon Serreçi”-n në mënyrë që t’i evitojmë këto probleme dhe t’u krijojmë nxënësve dhe mësimdhënësve por edhe prindërve komoditet më të madh për të pasur një proces edukativo-arsimor sa më të mbarë, ky është një premtim që do të realizohet shumë shpejtë, ne po besojmë që nga dita në ditë do ta fillojmë ndërtimin e shkollës së re dhe po besoj se tanimë vetëm se i ka ardhur fundi dhe unë kërkoj mirëkuptim nga nxënësit, mësimdhënësit e prindërit që të durojmë edhe një vit e pak, që ata kur të lirohen të lirohen me hapësira të mira”, tha Llabjani.

E derisa të ndodhë një gjë e tillë, 2400 nxënësit e kësaj shkolle do t’i vazhdojnë mësimet në këto kushte.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim