Ferizaj

Flora dhe fauna e Jezercit nën mbrojtje të shoqatës “Shqiponja”

Published

8 years ago

24 September, 2018

Që nga sot flora dhe fauna në malet e Jezercit, por edhe në pjesë të tjera të kësaj komune do të jenë nën mbrojtje. Deri më tani kafshët e egra ishin të rrezikuara nga personat e papërgjegjshëm, mirëpo tash e tutje Drejtoria e Bujqësisë në Ferizaj ka emëruar shoqatën e cila do ta menaxhoj gjuajtjen e kafshëve nëpër male. Për ta shënuar këtë nismë, në malet e Jezercit u ngjitën dhjetëra dashamirë të kësaj fushe, zyrtarë lokal dhe qëndror, si dhe qytetarë të tjerë. Nuk mungoi as mishi i pjekur.

“Siç jeni në dijeni ne si drejtori e kemi bërë një ofertë publike për dhënie në shfrytëzim të vendgjuetive të përbashkëta në komunën e Ferizajt. Paraprakisht kemi marrë leje nga Ministria e Bujqësisë dhe i kemi zhvilluar të gjitha procedurat ligjore për dhënie në shfrytëzim të vendgjuetive. Ka pasur mjaftë të inetresuar, por komisioni i përbërë nga Drejtoria jonë e ka caktuar shoqatën “Shqiponja” nga Ferizaj. Ne do ta monitorojmë punën e kësaj shoqate e cila do të menaxhoj me vendgjueti për 10 vitet e ardhshme“, tha drejtori Burim Bajrami.

Të pranishëm në Jezerc ishin edhe zyrtarë të Ministrisë së Bujqësisë. Bajram Batusha nga Departamenti i Pylltarisë, vlerësoi se kjo nismë që ka ndërmarrë Ferizaj, është mëse e qëlluar për mbrojtjen e faunës.

“Siç e dini edhe ju nga viti 2006 gjuetia në Kosovë menaxhohet dhe administrohet sipas ligjit të gjuetisë të miratuar nga Kuvendi i Kosovës. Sipas këtij ligji gjuetia duhet të menaxhohet nga shoqatat e gjuetisë, nga komunat dhe nga menaxhuesit e vendgjuetive. Pra, sipas këtij ligji ne kemi tri vende gjuetish: vendgjueti të përbashkëta, me rëndësi të veçantë dhe private”, tha Batusha.

Përfaqësues të shoqatës “Shqiponja”, u zotuan se do të jenë të përgjegjshëm për obligimin që kanë marrë.

“Ne do të mundohemi me të gjitha forcat që ta ruajmë faunën, ta shtojmë egërsinë dhe të punojmë me gjithë vullnetin që kemi për këtë faunë”, tha kryetari i shoqatës ”Shqiponja”, Isuf Idrizi.

U bë e ditur se nga mesi i muajit tetor zyrtarisht fillon edhe sezoni e gjuetisë.

Ferizaj

Në Ferizaj raportohen katër bankënota të dyshuara nga 500 €

Published

6 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

6 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.