Ferizaj

Mbrojtja e pyjeve sfidë për Drejtorinë e Bujqësisë

Published

8 years ago

05 October, 2018

Në kuadër të preventivave për mbrojtjen e pyjeve të komunës së Ferizajt, drejtori i Bujqësisë në këtë komunë Burim Bajrami, ka njoftuar se ka bërë edhe rifreskim tek kuadri, përkatësisht tek rojet e pyjeve. Bajrami e pranoi se gjendja e pyjeve është jashtëzakonisht e keqe, duke theksuar se mbrojtja e tyre nga kepërdoruesit është sfidë e madhe për institucionin e komunës.

“Në bazë të një regjistrimi që kemi bërë në terrren del se pyjet e Ferizajt janë shkatërruar në masë të madhe. Unë si drejtor menjëherë i kam marrë disa masa konkrete fillimisht duke ristrukturu stafin, kam dërguar në komision disiplinor dy nga rojet si dhe një teknik të pylltarisë, ndërsa një tjetër teknik që ka qenë i akuzuar për marrje të mitos më nuk e kemi pranuar në punë. Po ashtu i kemi ristrukturuar rojet e pyjeve duke ua ndërruar vendet për shkak të rritjes së efikasitetit në punë, përveç tjerash kemi vendos edhe dy punkte të policisë si të vetmen zgjidhjen për mbrojtjen e pyjeve në komunën e Ferizajt dhe mund të them se këto punkte e kanë arritur efektin që ne po dëshirojmë”, tha Bajrami.

Një vërejtje publike drejtori i Bujqësisë në Ferizaj Burim Bajrami, e adresoi tek institucionet. Ai tha se pyjet fillimisht duhet të ruhen nga zyrtarët, e më pas nga prerësit ilegal të tyre.

“Duhet ta rujamë malin dhe pyjet ne vetë, personalisht unë e më pas edhe nga stafi im fillimisht. Unë nuk do të jem bashkëpunues me dëmtuesit e pyjeve, prandaj do të angazhohem maksimalisht që rojet e pyjeve dhe zyrtarët komunal mos të bashkëpunojnë me dëmtuesit, ky është qëllimi kryesor. Jam takuar edhe me kryetarin e gjykatës, po ashtu edhe me kryeprokurorin, jemi pajtuar për të bashkëpunuar në mbrojtje të pyjeve dhe të procedohen lëndët më me prioritet. Unë jam angazhuar që t’i mbledhë të gjitha të dhënat për secilin dëmtues që brenda vitit ka qenë prerës ilegal i pyjeve dhe i kemi dorëzuar në gjykatë që ata ta kenë më lehtë këtë procedurë, por fatkeqësisht deri më tani nuk kam asnjë informacion se çfarë ka ndodhur me këto dosje, vazhdimisht dërgojmë fletëparaqitje, vazhdimisht ne i dërgojmë gjykatës raste dhe realisht nuk jam fare i kënaqur me punën që ata duhet ta kryejnë. Me vjen keq kur gjykata i konsideron dëmtuesit e pyjeve si shtresë të varfër, e realisht ata bëjnë biznes me këtë veprimtari”, tha Bajrami.

Sipas regjistrimit të fundit që ka bërë Drejtoria e Bujqësisë, del se pyjet e Jezercit janë më të dëmtuarat nga prerësit ilegal.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar