Botë

Ka rënë çmimi i naftës në tregjet ndërkombëtare

Published

3 years ago

05 August, 2022

Çmimi i naftës Brent humbi më shumë se 9,3 për qind gjatë javës që përfundon sot, 5 gusht, pasi mbi çmimet ndikuan shqetësimet e mungesës së furnizimit, pritjet më të ulëta të kërkesës dhe të dhënat e dobëta ekonomike.

Nafta e papërpunuar Brent mëngjesin e sotëm tregtohej me 94,17 dollarë për fuçi, duke shënuar rënie prej 9,4 për qind krahasuar nga mëngjesi i të hënës kur tregtohej me 103,92 dollarë për fuçi.

Standardi amerikan ‘West Texas Intermediate’ (WTI) mëngjesin e sotëm tregtohej me 88,52 dollarë për fuqi, respektivisht duke shënuar një rënie prej 10 për qind krahasuar me mëngjesin e të hënës kur tregtohej me 98,46 dollarë për fuçi.

Çmimet e naftës shënuar rënie të hënën ndërsa të martën thelluan më tej humbjet si pasojë e të dhënave ekonomike nga Kina, Japonia dhe SHBA-ja.

Indeksi i Menaxherëve të Blerjeve të Prodhimit (PMI) i Kinës ra në 49 nga 50.2 sa ishte në muajin qershor, krahasuar me pritjet e tregut prej 50.4.

Aktiviteti prodhues i Japonisë në muajin korrik ishte në ritmin më të ngadaltë në 10 muajt e fundit. PMI-ja e muajit korrik në SHBA arriti 52,8 për qind, duke shënuar një rënie prej 0.2 pikë përqindjeje nga muaji qershor.

Çmimet e naftës u rritën mëngjesin e së mërkurës për shkak të rritjes së pritshme të inventarit të naftës bruto në SHBA dhe pasigurisë së furnizimit përpara takimit të shumëpritur të grupit OPEC+.

Duke sinjalizuar perspektivën e dobët të kërkesës, të dhënat e lëshuara nga Administrata e Informacionit të Energjisë të mërkurën treguan se inventarët komercial të naftës bruto në SHBA u rritën me 4.5 milionë fuçi, duke arritur në 426.6 milionë fuçi gjatë javës që përfundoi më 29 korrik, raporton anadoluagency.

Të mërkurën, OPEC+ ra dakord për të rritur prodhimin në muajin shtator me vetëm 100 mijë fuçi në ditë. Si çmimi i naftës Brent, ashtu edhe ai i WTI-së u rritën të mërkurën pas njoftimit të OPEC-it, pasi investitorët e naftës prisnin rritje më të madhe të prodhimit, por deri në mesditë çmimet ranë rreth 2 për qind.

Dje, çmimet vazhduan spiralen e rënies duke arritur në nivelet më të ulëta 6-mujore, përkatësisht brenda ditës duke u tregtuar në 93,2 dollarë për fuçi si pasojë e vendimit të grupit OPEC+ dhe rritjes së papritur të inventarit të naftës së papërpunuar në SHBA.

Sot, të dhënat ekonomike që tregojnë ngadalësim ekonomik dhe perspektivën e një recesioni po frenojnë rritjen e çmimit të naftës./telegrafi

Botë

Politikania nga Venezuela, Maria Corina Machado, fiton Nobelin për Paqe

Published

6 days ago

10 October, 2025

Redaksia

Politikania Maria Corina Machado është shpërblyer me Çmimin Nobel për Paqe për vitin 2025, ka bërë të ditur Komiteti Norvegjez i Nobelit.

Komiteti ka thënë se ajo është përzgjedhur për punën e saj të palodhshme në promovimin e të drejtave demokratike për popullin e Venezuelës dhe për përpjekjet e saj për tranzicion paqësor nga diktatura në demokraci.

“Kur autoritarët e marrin pushtetin, është jetike që të njihen mbrojtësit guximtarë të lirisë, të cilët ngrihen dhe rezistojnë”, është thënë në deklaratën e Komitetit.

Çmimi Nobel për Paqe, në vlerë të rreth 1.2 milion dollarëve, do të ndahet edhe zyrtarisht në një ceremoni të organizuar në Oslo më 10 dhjetor.

Ceremonia mbahet gjithmonë në datën e njëjtë, për të shënuar edhe përvjetorin e vdekjes së industrialistit suedez, Alfred Nobel, me dëshirën e tij të cilit janë krijuar çmimet më 1895.

| Radio Evropa e Lirë

Botë

Kryeministri i Francës Lecornu jep dorëheqje vetëm një muaj pasi u emërua

Published

1 week ago

06 October, 2025

Redaksia

Kryeministri i ri i Francës, Sebastien Lecornu, ka dhënë dorëheqje të hënën, vetëm 14 orë pasi e kishte emëruar kabinetin e tij të ri, pasi aleatët dhe kundërshtarët e kërcënuan se do ta rrëzonin Qeverinë e tij.

Dorëheqja e tij e shpejtë ishte e papritur dhe e pashembullt, duke e thelluar edhe më tej krizën politike në Francë.

Partia e ekstremit të djathtë, Tubimi Kombëtar, kërkoi menjëherë nga presidenti Emmanuel Macron të shpallë zgjedhje të parakohshme parlamentare.

Pas konsultimeve disajavore me parti nga i gjithë spektri politik, Lecornu, i cili është aleat i ngushtë i Macronit, kishte emëruar ministrat e tij të dielën, dhe ata pritej të mbanin mbledhjen e parë të kabinetit të hënën pasdite.

Por, përbërja e re e kabinetit zemëroi si kundërshtarët, ashtu edhe aleatët, të cilët e konsideruan atë ose tepër të djathtë, ose pamjaftueshëm të tillë, duke ngritur pyetje se sa gjatë mund t’ia dalë ajo në një kohë kur Franca tashmë ndodhet në krizë të thellë politike, me një Parlament ku asnjë grup nuk ka shumicë.

| Radio Evropa e Lirë

Botë

Mbyllja e qeverisë afekton edhe ambasadën amerikane në Kosovë

Published

2 weeks ago

01 October, 2025

Redaksia

Ambasada e Shteteve të Bashkuara të Amerikës në Prishtinë ka njoftuar se për shkak të ndërprerjes së përkohshme të financimeve në nivel federal në SHBA, komunikimet e rregullta në rrjetet sociale nuk do të përditësohen derisa të rifillojnë plotësisht operacionet.

Përjashtim do të bëjnë vetëm rastet urgjente që lidhen me sigurinë dhe mbrojtjen e qytetarëve.

Ambasada njoftoi se shërbimet e planifikuara të pasaportave dhe vizave për në ShBA, ambasadat dhe konsullatat jashtë vendit do të vazhdojnë “sipas mundësive”.

Qytetarët udhëzohen që për informacione të mëtejshme mbi shërbimet të vizitojnë faqen zyrtare të Departamentit Amerikan të Shtetit: travel.state.gov.

“Në këtë kohë, shërbimet e planifikuara të pasaportave dhe vizave në Shtetet e Bashkuara dhe në Ambasadat dhe Konsullatat e SHBA-së jashtë vendit do të vazhdojnë gjatë mungesës së fondeve të alokuara, sipas situatës. Ne nuk do ta përditësojmë këtë llogari derisa të rifillojnë operacionet e plota, me përjashtim të informacionit urgjent të sigurisë. Për informacion mbi shërbimet tona dhe statusin e funksionimit, vizitoni travel.state.gov”, thuhet në njoftim.