Botë

Sulmohet centrali më i madh bërthamor në Evropë, Rusia e Ukraina akuzojnë njëra-tjetrën

Published

3 years ago

06 August, 2022

Luftimet mes forcave ukrainase dhe ruse nuk kanë të ndalur. Ndërkohë palët kanë akuzuar njëra-tjerën për bombardime në centralin më të madh bërthamor në Evropë, atë të Zaporizhias.

Në raportin e përjavshëm ministria e Mbrojtjes e Mbretërisë së Bashkuar tha se forcat ruse po grumbullohen në jug të Ukrainës, në pritje të një kundërofensive ose për kryerjen e një sulmi të mundshëm.

Rusia dhe Ukraina akuzuan njëra-tjetrën për bombardime në centralin më të madh bërthamor në Evropë, atë të Zaporizhias.

Predhat goditën një linjë të tensionit të lartë të centralit, gjë që shkaktoi ndaljen e punës së një reaktori. Fatmirësisht nuk pati rrjedhje radioaktive.

Centrali bërthamor u morr nën kontroll nga forcat ruse në fillim të muajit mars, por ai ende drejtohet nga teknikët ukrainas.

Kompania shtetërore për Energjinë Bërthamore e Ukrainës, Energoatom, fajësoi Rusinë për sulmin. Presidenti ukrainas Volodymyr Zelenskiy tha gjithashtu se Moska ishte përgjegjëse duke e cilësuar ngjarjen një akt terrori.

Nga ana tjetër ministria ruse e Mbrojtjes akuzoi forcat ukrainase për bombardimin e centralit, duke thënë se ishte vetëm çështje fati që nuk pati rrjedhje radioaktive.

Ndërkohë luftimet vazhdojnë në Ukrainë. Forcat vendase po përpiqen të forcojnë pozicionet e tyre rreth qytetit lindor të Slovianskut, në pritje të një ofensive ruse për të kapur pikën strategjike, qytetin e Donetskut.

Ministria e Mbrojtjes e Mbretërisë së Bashkuar tha se trupat ruse po grumbullohen në jug në pritje të kundërofensive të Ukrainës ose po përgatiten për një sulm të mundshëm.

Instituti amerikan për Studime të Luftës, tha se forcat ruse kryen sulme tokësore, por që dështuan, në zona të banuara në jug qytetit, Bakhmut. Ata gjithashtu kryen disa sulme të kufizuara tokësore në veri, veriperëndim dhe jugperëndim të qytetit Donetsk.

Megjithë luftimet, eksporti i dridhit vazhdon. Tre anije lanë portet me dalje në Detin e Zi, në drejtim të Turqisë për inspektim. Autoritetet ukrainase kanë bërë të ditur se shpresojnë që brenda disa muajsh të rrisin dërgesat e grurit nga 1 në rreth 3.5 milionë tonë metrikë në muaj./VOA

Related Topics:bote central berthamor Rusi ukraine

Up Next

Nuk ndalet Petkoviq: Duam Asociacionin me kompetenca ekzekutive

Don't Miss

Dogana e Kosovës konfiskon 750 litra vaj të kontrabanduar nga Serbia

Click to comment

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.