Kosovë

Kurti fton përsëri serbët t’i marrin targat RKS, thotë se dezinformimi po rrezikon sigurinë kombëtare

Published

2 years ago

10 August, 2022

Kryeministri i vendit, Albin Kurti sot në fillim të mbledhjes së Qeverisë së Kosovës u është drejtuar qytetarëve serbë lidhur me dy vendimet për reciprocitet, duke ftuar ata që t’i konvertojnë targat e automjeteve.

Kurti gjatë mbledhjes tha se gjatë kohës sa ishin vendosur barrikadat ka pasur fushatë dezinformues, ndërkaq theksoi se dezinformimi sot paraqet rrezik për sigurinë kombëtare.

“Konvertimi i targave të automjeteve nga ilegale në RKS i shërben rendit, ligjit, sigurisë publike dhe lëvizjes së lirë. Duke i kontribuar këtyre qëllimeve mund të përfitohet nga lirimi nga taksa doganore, taksa administrative, tarifa për targën etj, që në vlerë totale kapin shifrën rreth 5 mijë euro”, tha Kurti.

Siç raporton Telegrafi, ai foli edhe për vendimin për pajisje me dokumente të Kosovës për hyrje dalje. Sipas tij vendimi nuk pengon lirinë e lëvizjes.

“Koha mesatare e pritjes është 20 sekonda… ndërkohë që për një masë të njëjtë tash e 11 vjet sa herë udhëtojmë në Serbi ne duhet të presim ndërmjet 10 dhe mbi 60 minuta”, tha Kurti.

Ai tha se nuk është e vërtetë që dokumentet serbe do të konfiskohen në kufi në këmbim me ato të Kosovës për hyrje dalje. “Dokumenti në hyrje dalje është dokument shtesë dhe pa pagesë”, tha më tej Kurti.

Kryeministri i vendit më tej deklaroi se po jetojmë në një epokë sfiduese andaj duhet kujdes i shtuar, raporton Telegrafi.

“Dezinformimi sot paraqet rrezik për sigurinë kombëtare… Ju bëj thirrje edhe njëherë që të përcillni me vëmendje njoftimet nga Qeveria jonë, t’i verifikoni burimet e lajmeve dhe mos lejoni të dezinformoheni nga ata që synim mund ta kenë destabilizimin. Fushata jonë e informimit për regjistrimin e tabelave të veturave nuk do të ndalet as pas 1 shtatorit, kur edhe do të rifillojmë së zbatuari edhe dy vendimet”, tha kreu i ekzekutivit.

Derisa falënderoi qytetarët për durimin, Kurti në fund tha se barrikadat që rëndom vendosen në veri nuk vijnë nga poshtë por vendosen nga lartë.

Ai tha se Policia e Kosovës dhe institucionet tjera të sigurisë përbëhen nga qytetarët tanë pa dallim dhe janë në shërbim të të gjithë qytetarëve pa dallim.

Ndryshe, Qeveria e Kosovës javë më parë ka marrë dy vendime.

Çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, në pikë-kalimet kufitare do të pajiset me një fletë-deklarim që përkohësisht e zëvendëson përdorimin e dokumentit të tillë.

Ndërkaq përmes një vendimi tjetër, Qeveria mundëson regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA” nga 10 qershori 1999 deri më datë 21 prill 2022./telegrafi

Kosovë

Arratiset Enver Sekiraqa

Published

19 hours ago

18 May, 2024

Redaksia

Policia e Kosovës ka njoftuar se Enver Sekiraqa është arratisur pasi nuk është gjetur në shtëpi gjatë të premtes dhe të shtunës. Ai duhej të kthehej në paraburgim pasi dy ditë më parë, Gjykata e Apelit vendosi për ndryshimin e masës së sigurisë ndaj tij.

Bazuar në aktvendimin e pranuar nga Gjykata e Apelit dhe mos gjetjes së Sekiraqës, policia ka ndërmarrë masat e nevojshme për informim dhe ndalim të tij, në të gjitha vendkalimet kufitare dhe drejtoritë rajonale policore.

Njoftimi i policisë:

“Policia e Kosovës, bazuar në aktvendimin e pranuar të Gjykatës së Apelit, të datës 17.05.2024, për ndryshim të masës së sigurisë së të pandehurit Enver Sekiraqa, sipas procedurave dhe mandatit të saj ligjor i ka dërguar ftesën të njëjtit, mirëpo i njëjti nuk është hasur në vendbanimin e tij në rrugën ‘Vëllezërit Fazliu’ Prishtinë.

Meqë i njëjti nuk është hasur në shtëpi, Policia e Kosovës, përmes zyrtarëve kompetent, ka njoftuar organet e drejtësisë se ftesa zyrtare i është dërguar të pandehurit Sekiraqa, mirëpo i njëjti nuk është hasur në shtëpi. Po ashtu sot me datën 18.05.2024, për të zbatuar aktvendimin e Gjykatës së Apelit, ku i dyshuari duhet të dërgohet në paraburgim, zyrtarët policorë e kanë kërkuar të njëjtin, por nuk e kanë hasur në shtëpi.

Veprimet e mëtejme policore, do të bazohen në procedurat e parapara ligjore, aktvendimin dhe rekomandimet e organeve të drejtësisë. Njëkohësisht Policia e Kosovës ka ndërmarrë masat e nevojshme për informim dhe ndalim në të gjitha vendkalimet kufitare dhe drejtoritë rajonale policore, ndaj të pandehurit”.

Kosovë

Deri më 24 maj regjistrimi i popullatës mund të kryhet vetëm nga stafi i ASK-së

Published

1 day ago

18 May, 2024

Redaksia

Agjencia e Statistikave së Kosovës ka njoftuar se regjistrimi i popullsisë është shtyrë deri më 24 maj 2024. Në njoftim bëhet e ditur se shtyrja e afatit u mundësua pas miratimit në Qeveri të propozimit nga ASK-ja bazuar në kërkesën e disa komunave .

“Meqenëse Regjistrimi i Popullsisë në terren, sipas Vendimin të Qeverisë të datës 21 nëntor 2023 ishte deri më 17 Maj 2024, bazuar në kërkesat e disa komunave dhe duke u bazuar në sistemin monitorues që ka ngritur Agjencia e Statistikave të Kosovës (ASK) për ta monitoruar ecurinë e procesit, vlerësuam se mund të ketë individë, ekonomi familjare ose edhe ata që kanë refuzuar (për momentin) dhe kërkuam nga Qeveria një shtyrje të afatit të Regjistrimit të Popullsisë (ReKos2024) deri më 24 Maj 2024 që është aprovuar nga ana e Qeverisë”, thuhet në njoftimin e ASK-së.

ASK thotë se gjatë kësaj periudhe, regjistrimi do të bëhet në çdo zonë regjistruese (fshat e komunë) të Kosovës dhe do të zhvillohen vetëm nga stafi i Agjencisë së Statistikave të Kosovës.

Po ashtu ASK bën thirrje për qytetarët që nuk janë regjistruar të kërkojnë të regjistrohen, duke inkurajuar ata që t’i kontaktojnë zyrtarët e Agjencisë së Statistikave të Kosovës.