Botë

Autori i masakrës në Cetinjë telefonoi kryefamiljarin: Vrava familjen tënde dhe timen

Published

3 years ago

13 August, 2022

Masakra e Cetinjës ku mbetën të vrarë 11 persona mes tyre sulmuesi dhe 2 fëmijë ka tronditur mbarë opinionin publik.

Ministria e Punëve të Brendshme, Drejtoria e Policisë dhe Prokuroria e Lartë e Shtetit kanë bërë thirrje për vetëpërmbajtje, duke thënë se detajet se si ka ndodhur tragjedia e madhe dhe si është vrarë Boriloviç, do t’i shpallin sapo t’i vërtetojnë faktet.

Tre nga katër të plagosurit që ndodhen në spital janë në terapi intensive dhe njëri prej tyre është në gjëndje më të rëndë për jetën.

Rreth orës 15:30 të 12 gushtit 2022, 34-vjeçari me inicialet V.B. nga Cetinja ka qëlluar me armë në drejtim të një familjeje, anëtarët e të cilës ishin qiramarrës në shtëpinë e tij, në vendbanimin Medovina.

Sipas të dhënave zyrtare, Boriloviq hyri në banesën e qiramarrësve të tij rreth orës 15:30 dhe vrau njëmbëdhjetë vjeçarin në derën e shtëpisë, pastaj vëllanë e tij tre vjet më të vogël, dhe më pas qëlloi nënën e tyre – Natasha Pajović Martinovic.

Pasi i ka vrarë, ai ka telefonuar babanë dhe bashkëshortin e tyre, Millosh Martinoviqin dhe i ka thënë: “Unë kam vrarë familjen tënde dhe timen”, citon media malazeze Vijesti.

Në 45 minutat e ardhshme, në një distancë totale prej 80 metrash nga shtëpia e tij, ka qëlluar banorët e lagjes, duke vrarë shtatë persona të tjerë dhe duke plagosur gjashtë.

Autoritetet shpjeguan se pas vrasjes së Martinoviçit, ai hyri në shtëpinë e fqinjit ku vrau bashkëqytetarët e moshuar – Danijela dhe Dimitrije Drecun dhe plagosi rëndë nipin e tyre Aleksandar Drecun, 32 vjeç. Në prag të asaj shtëpie ka vrarë edhe djalin e tyre i cili ka vrapuar drejt shtëpisë kur ka dëgjuar të shtënat.

Për momentin nuk është e qartë se çfarë e shtyu autorin ndaj këtij krimi të rëndë.

Vuk Boriloviq, 34 vjeçari nga Cetina, autori i krimit të rëndë fillimisht refuzoi të dorëzohej dhe pse ishte i rrethuar dhe qëllua më pas për vdekje nga një bashkëqytetar i tij. Trupi i tij është dërguar në morg dhe sipas informacioneve jozyrtare ai ka plagë të shumta me armë zjarri.

Ekspertët do të përcaktojnë se si u vra dhe nëse u qëllua nga një armë e vetme./oranews/KK

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.