Ferizaj

Gjuajti me armë në një garë të qenve – I konfiskohet arma ferizajasit nga Pleshina

Published

3 years ago

12 September, 2022

administrator

Një person nga fshati Pleshinë e Ferizajt është arrestuar sot.

I.I i lindur më 1990 dyshohet se ka shtënë me armë në një rast gare me qenë, përcjell TV TEMA.

Të arrestuarit i është konfiskuar një revole me karikator dhe këllëf.

Njoftimi i plotë:

Drejtoria Rajonale Gjilan, Njësiti i Hetimeve të Stacionit Policor Viti në vazhdën e hetimeve në lidhje me rastin “Keqtrajtimi i kafshëve dhe ndotja e ushqimit dhe e ujit të shtazëve’’ ku dyshohej edhe për të shtëna me arme zjarri në ajër në një rast gara me qenë të datës 27.03.2022, sot me datën 12.09.2022 nga ana e Policisë është arritur që të arrestohet i dyshuari Kosovar Shqiptar I.I. (1990) nga fshati Pleshinë komuna e Ferizajt.

I dyshuari është intervistuar në bazë të procedurave ligjore dhe nga i njëjti është konfiskuar në cilësinë e provave materiale për gjykatë një arme Revole, një karikator dhe një këllëf i armës përkatës.

Në lidhje me rastin është njoftuar Prokurori i Shtetit i cili ka urdhëruar që lënda të procedohet në procedurë të rregullt në Prokurorinë Themelore Gjilan me kallëzim penal për veprat penale “Mbajtje në pronësi, kontrollë ose posedim të paautorizuar i armëve’’ dhe ,,Keqtrajtimi i kafshëve dhe ndotja e ushqimit dhe e ujit të shtazëve”.

Ferizaj

Në Ferizaj arrestohen dy të dyshuar për trafikim të kokainës

Published

6 days ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

7 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

1 week ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.