Ferizaj

Të enjten mundësi për dëgjimin e zërit të qytetarëve – Dëgjim publik rreth buxhetit për vitin 2023

Published

4 years ago

14 September, 2022

Të enjten e 15 shtatorit banorët e Komunës së Ferizajt do të kenë mundësinë që të kontribuojnë në buxhetin e Komunës për vitin 2023.

Komuna e Ferizajt nga ora 10:00 organizon dëgjim publik rreth kësaj çështjeje, përcjell TV TEMA.

Komentet dhe sugjerimet qytetarët mund t’i dërgojnë edhe në email-at e bashkangjitura në njoftimin e institucionit.

Në këtë njoftim po ashtu thuhet se të dhënat për buxhetin 2023 gjenden në vegëzat e bashkangjitura.

Edhe pse në ato vegëza nuk janë të dhënat që pretendon Komuna se janë, qytetarët kanë mundësinë të japin idetë e tyre rreth planifikimeve buxhetore në këtë dëgjim publik.

Njoftimi i plotë i Komunës së Ferizajt:

Në bazë të nenit 68 të Ligjit për Vetëqeverisje Lokale të Kosovës Nr.03/L-040,(“Gazeta zyrtare e Republikës së Kosovës Nr.28/2008”), Statutit të Komunës së Ferizajt si dhe Udhëzimit Administrativ (MAPL) Nr.06/2018 për Standardet Minimale të Konsultimit Publik në Komuna, Kryesuesi i Kuvendit Komunal të Ferizajt në bashkëpunim me Zyrën për Informim organizon:

Konsultim Publik

Qytetarë të nderuar të Komunës së Ferizajt, ju ftojmë që të merrni pjesë në dëgjimin publik për: Projekt-buxhetin e komunës së Ferizajt për vitin 2023.

Ky dëgjim publik, organizohet nga Kryesuesi i Kuvendit Komunal, Xhavit Zariqi, bashkë me anëtarët e Komitetit për Politikë dhe Financa (KPF) dhe Zyrën për Informim.

Dëgjimi publik do të mbahet më 15.09.2022 (e enjte) në sallën e mbledhjeve të Kuvendit Komunal të Ferizajt duke filluar nga ora 10:00.

Të drejt pjesëmarrjeje kanë të gjithë qytetarët e Komunës së Ferizajt.

Njoftimin dhe të dhënat për buxhetin e vitit 2023, mund t’i gjeni të publikuara në ueb faqen zyrtare të komunës në vegëzën:

https://kk.rks-gov.net/ferizaj/

Njoftimin dhe të dhënat për buxhetin e vitit 2023, mund t’i gjeni të publikuara në Platformën e Konsultimeve Publike:

https://konsultimet.rks-gov.net/meetings.php…

Komentet dhe sugjerimet tuaja, mund t’i dërgoni deri më 15.09.2022 në orën 16:00, në e-mail-at:

Xhavit.zariqi@rks-gov.net

Info.ferizaj@rks-gov.net

Jeni të mirëseardhur!

Xhavit Zariqi

Kryesues i Kuvendit Komunal

Up Next

Kur origjina maskohet 2

Don't Miss

1 muaj paraburgim për të arrestuarin e fundit në rastin “Brezovica”

Click to comment

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 day ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

6 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim