Ferizaj
Kur origjina maskohet 2
Ligji për Mbrojtjen e Konsumatorit saktëson se shitësit e mallrave duhet të vendosin flamurin e origjinës së produktit afër çmimit të tij.
Neni 16, pika 8 e këtij ligji thotë: Përveç kërkesave të përcaktuara në këtë nen dhe dispozitat e tjera të këtij ligji, shitësi detyrohet të tregoj origjinën e produktit edhe përmes vendosjes së një etikete që tregon flamurin e shtetit të origjinës së produktit. Flamuri duhet të vendoset afër çmimit të shitjes apo çmimit për njësi.
Ka katër vjet që ka hyrë në fuqi amendamentimi i këtij ligji, por edhe pas hyrjes në fuqi të këtij ligji ka markete që nuk po e respektojnë atë.
TV TEMA më 15 gusht 2022 kishte shkruar për tri markete të mëdha që nuk kishin vendosur flamurin e vendit të origjinës për produktet e Coca-Colas të cilat ishin me prejardhje nga Serbia.
Këtë 14 shtator, ekipi i televizionit tonë u nis drejt tre marketeve për të parë se a ka ndonjë ndryshim.
Në marketin numër 1, raportimi i TV TEMA u pa se ka pasur sukses për shkak se ishin vendosur flamujt e vendit të origjinës(Serbisë) në raftin kryesor ku ishin të vendosura produktet e Coca-Colas.
Megjithatë ky market kishte të vendosura produkte të kësaj kompanie edhe në pjesë të tjera të hapësirës së tyre.
Në hapësirën si në fotografinë më poshtë ishin të vendosura disa paketime të Coca-Colas ku në letrën ngjitur në to shihet flamuri i Belgjikës.
Ekipi ynë shikoi se a po përkon flamuri me vendin e origjinës së produktit. Ekipi u shokua kur pa se vendi i origjinës në etiketë shkruante Serbia e jo Belgjika.
Marketi numër 1 ka vendosur flamurin e gabuar në këtë rast për shkak se Belgjika dhe Serbia nuk janë i njejti vend.
Avazi i vjetër i mosvendosjes së flamurit të origjinës në marketin numër 1 kishte vazhduar edhe në frigoriferin ku janë të vendosura kanaçet dhe shishet e vogla të këtyre produkteve.
Nga marketi numër 1, ekipi u nis drejt marketit numër 2.
Edhe në këtë market u pa se raportimi i para një muaji ishte efektiv për shkak se në raftin kryesor ishin vendosur flamujt e vendit të origjinës së produktit.
Megjithatë edhe marketi numër 2 dështoi në vendosjen e flamurit të origjinës në hapësirën reklamuese për produktet e Coca-Colas.
Brengosës ishte kokëfortësia e marketit numër 3 i cili nga hera e kaluar nuk kishte ndryshuar asgjë.
Shqetësuese për ekipin tonë ishte se si marketi numër 3 ka vendosur të mos u tregoj konsumatorëve të tij vendin e origjinës së produktit.
Ky market nuk u lodh fare që të vendosë flamujt e origjinës qoftë edhe tek shishet e vogla të Coca-Colas.
Etiketa e këtyre shisheve tregonte se produktet janë nga Serbia, derisa marketi kosovar nuk e respekton ligjin për vendosjen e flamurit të shtetit fqinj.
Sipas burimeve jozyrtare TV TEMA ka mësuar se këto markete janë gjobitur pas raportimit tonë për mosvendosjen e flamurit të vendit të origjinës, përsëri po vazhdon zakoni i vjetër i marketeve.
Lexoni shkrimin e parë rreth kësaj çështjeje:
-
Ferizaj19 hours agoDefekt në Nënstacionin Ferizaj 1, një pjesë e qytetit mbetet pa energji elektrike
-
Kosovë1 week agoHasani: Osmani i ka “uzurpuar” kompetencat e Kuvendit të Kosovës
-
Kosovë1 week agoKosova vendos masa mbrojtëse për çmimet e naftës
-
Kosovë1 week agoPresidentja Osmani nis konsultimet për datën e zgjedhjeve sot nga ora 13:00
-
Kosovë5 days agoKosova dhe Shqipëria nënshkruajnë ujdi për krijimin e ekipeve të përbashkëta hetimore
-
Kosovë1 week agoNagavci: Shpërndarja e Kuvendit akt i paprecedent, vendimin do ta çojmë në Kushtetuese
-
Kosovë5 days agoVetëvendosje e dërgon në Kushtetuese dekretin e Osmanit, Presidenca pret vendimin
-
Kosovë5 days agoRashiq korrigjon deklaratën për tokën e Manastirit të Deçanit
-
Kosovë1 week agoGlauk Konjufca kandidat i Vetëvendosjes për president
-
Kosovë1 week agoPresidentja Vjosa Osmani shpërndan Kuvendin e Kosovës
-
Kosovë24 hours agoMaqedonci për blerjen e raketave kineze nga Serbia: Shpërfaqje e tendencave hegjemoniste ndaj fqinjëve
-
Kosovë24 hours agoNjë muaj paraburgim për Gjestin
-
Ferizaj1 day agoSiguria juaj fillon me zgjedhjen e duhur të sigurimit