Ferizaj

Të hënën dhe të martën disa pjesë të Ferizajt përballen me mungesë të rrymës

Published

3 years ago

08 October, 2022

administrator

KEDS njofton se të hënën dhe të martën disa pjesë të Ferizajt do të përballen me nga 5 orë mungesë rryme.

Rryma do të ndalet nga ora 10:00 deri në ora 15:00, përcjell TV TEMA.

Të hënën mungesë rryme do të kenë fshatrat: Bajnicë, Burnik, Gaçkë, Gaçkë e Epërme, Gërlicë, Gërlicë e Epërme, Gjelbin, Greme (një pjesë), Izhancë, Koshtane, Semajë dhe Varosh (një pjesë).

Të martën pa rrymë mbesin rrugët : Elbasanit, Gjergj Fishta, Muharrem Shemsedini (një pjesë), Murat Murati (një pjesë), Naim Beka, Prekazit, Sefedin Firza (një pjesë), Xhevat Sojeva (një pjesë),ef Jubani (një pjesë); fshatrat: Balaj, Jezerc, Manastirc, Neredime dhe Neredime e Naltë dhe e Ulët.

Si arsye, KEDS-i ka renditur punimet në rrjet, mirëmbajtjen preventive zëvendësimin e shtyllave e ndërrimin e përçuesve.

Njoftimi i plotë nga KEDS-i:

10.10.2022:

Punime të domosdoshme për siguri të sistemit

Nga NS 35/10[kV] Ferizaj III do të ndërprehet:

Dalja 10[kV] Gaçka (kodi: 40042002) nga ora 10:00 deri në ora 15:00

Vendet: fshatrat: Bajnicë, Burnik, Gaçkë, Gaçkë e Epërme, Gërlicë, Gërlicë e Epërme, Gjelbin, Greme (një pjesë), Izhancë, Koshtane, Semajë dhe Varosh (një pjesë).

Arsyeja: Mirëmbajtje preventive, zëvendësimi i shtyllave të thyera me të rejat, ndërrimi i përçuesve dhe izolatorëve.

11.10.2022:

Punime të domosdoshme për siguri të sistemit

Nga NS 35/10[kV] Ferizaj III do të ndërprehet:

Dalja 10[kV] Jezerci (kodi: 40042003 ) nga ora 10:00 deri në ora 15:00

Vendet: rrugët: Elbasanit, Gjergj Fishta, Muharrem Shemsedini (një pjesë), Murat Murati (një pjesë), Naim Beka, Prekazit, Sefedin Firza (një pjesë), Xhevat Sojeva (një pjesë),ef Jubani (një pjesë); fshatrat: Balaj, Jezerc, Manastirc, Neredime dhe Neredime e Naltë dhe e Ulët.

Arsyeja: Mirëmbajtje preventive, zëvendësimi i shtyllave thyera me të rejat ndërrimi i përçuesve ndërrimi i izolatorëve.

Ferizaj

Lëndohet një person në vendin e punës në Ferizaj

Published

1 day ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

3 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

4 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.