Ferizaj

Salla e sporteve “Bill Clinton”, gati më 26 maj

Published

12 months ago

19 May, 2023

Fondi i Kosovës për Efiçiencë të Energjisë, që po udhëheqë me projektin e renovimit të sallës së sporteve “Bill Clinton” thotë se punimet aty do të kryhen më 26 maj.

Pasi që punimet nuk u kryen më 15 maj siç ishte planifikuar, TV TEMA drejtoi pyetje tek ky institucion për të marrë vesh se çka ka ndodh.

Fondi thotë punëkryesi hasi në pengesa gjatë punës.

“Ju njoftojmë se për shkak të pengesave të hasura nga kontraktori për qasje të plotë në sallën që është duke u punuar (shkaku i aktiviteteve të mbajtura më parë), të konfirmuara edhe nga kompania mbikëqyrëse, sipas procedurave të brendshme dhe bazuar në kushtet e kontratës, është aprovuar zëvendësimi i vetëm 11 ditëve shtesë për finalizim të projektit, nga 18 ditë të kërkuara nga kompania punëkryese. Kështu, afati final i kryerjes së punëve nga 15 maj është caktuar 26 maj 2023. Për këtë është njoftuar edhe Komuna si përfituese dhe palët e përfshira në procesin e punimeve“, thuhet në përgjigjen e Fondit për TV TEMA.

Në përgjigjen e Fondit tregohet se do të shikohet edhe cilësia e punimeve pasi që të dorëzohet salla.

“Cilësia e punimeve është subjekt i verifikimit pas përfundimit të projektit, si proces i pavarur dhe i përbashkët me Komunën si përfituese, duke përfshirë edhe përgjegjësisë për korrigjimin e defekteve eventuale brenda një afati, sipas kushteve të kontratës“, thuhet në përgjigje.

Storja e publikuar nga TV TEMA më 16 maj rreth kësaj çështjeje:

Ferizaj

Raportohet i zhdukur një person nga fshati Prelez i Jerlive në Ferizaj

Published

11 hours ago

07 May, 2024

Redaksia

Policia e Kosovës ka njoftuar se është raportuar rasti për zhdukjen e një personi nga fshati Prelez i Jerlive në Ferizaj.

Sipas Policisë, ankuesi ka raportuar se vëllai i tij është larguar nga shtëpia që nga data 03.05.2024 dhe nuk dihet vendndodhja e tij.

Në raportin 24 orësh, policia ka konfirmuar se është iniciuar hetimi për rastin si person i zhdukur.

Ferizaj

Zhduket një 30 vjeçare nga Ferizaj, familjarët kërkojnë ndihmë për gjetjen e saj

Published

1 day ago

06 May, 2024

Redaksia

Mëngjesin e sotëm është zhdukur një vajzë 30 vjeçare nga Ferizaj.

Lajmi u bë i ditur nga familjarët të cilët kërkojnë ndihmën e qytetarëve për ta gjetur.

“Vajza është 30 vjeçare, ka të veshur pizhame të bardha me lule jorgovan. Banon në rrugën “Ramadan Ferizi” në Ferizaj. Emri i sajë është Shkurte Ramadani. Ka dal nga shtëpia sot rreth orës 8:30 dhe nuk po mundemi ta gjejmë. Ajo vuan nga depresioni. Rastin e kemi lajmëruar edhe në polici por ende nuk ka asnjë shenjë nga ajo.

Lusim të gjithë ata që rastësisht mund ta shohin të na lajmëroi në telefonin 044 667 964 ose stacionin më të afërt të policisë” ka njoftuar motra e të zhdukurës.