Ferizaj

Salla e sporteve “Bill Clinton”, gati më 26 maj

Published

11 months ago

19 May, 2023

Fondi i Kosovës për Efiçiencë të Energjisë, që po udhëheqë me projektin e renovimit të sallës së sporteve “Bill Clinton” thotë se punimet aty do të kryhen më 26 maj.

Pasi që punimet nuk u kryen më 15 maj siç ishte planifikuar, TV TEMA drejtoi pyetje tek ky institucion për të marrë vesh se çka ka ndodh.

Fondi thotë punëkryesi hasi në pengesa gjatë punës.

“Ju njoftojmë se për shkak të pengesave të hasura nga kontraktori për qasje të plotë në sallën që është duke u punuar (shkaku i aktiviteteve të mbajtura më parë), të konfirmuara edhe nga kompania mbikëqyrëse, sipas procedurave të brendshme dhe bazuar në kushtet e kontratës, është aprovuar zëvendësimi i vetëm 11 ditëve shtesë për finalizim të projektit, nga 18 ditë të kërkuara nga kompania punëkryese. Kështu, afati final i kryerjes së punëve nga 15 maj është caktuar 26 maj 2023. Për këtë është njoftuar edhe Komuna si përfituese dhe palët e përfshira në procesin e punimeve“, thuhet në përgjigjen e Fondit për TV TEMA.

Në përgjigjen e Fondit tregohet se do të shikohet edhe cilësia e punimeve pasi që të dorëzohet salla.

“Cilësia e punimeve është subjekt i verifikimit pas përfundimit të projektit, si proces i pavarur dhe i përbashkët me Komunën si përfituese, duke përfshirë edhe përgjegjësisë për korrigjimin e defekteve eventuale brenda një afati, sipas kushteve të kontratës“, thuhet në përgjigje.

Storja e publikuar nga TV TEMA më 16 maj rreth kësaj çështjeje:

Ferizaj

Arrestohet një ish zyrtar i gjendjes civile në Ferizaj

Published

2 days ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

3 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

3 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.