Ferizaj

Dita e Flamurit në Ferizaj shënohet me homazhe

Published

8 years ago

28 November, 2018

Për t’i nderuar dëshmorët e kombit, qindra qytetarë, përfaqësues të shoqatave të dala nga lufta, përfaqësues të partive politike, si dhe struktura të tjera të qytetit, bënë homazhe tek Varrezat e Dëshmorëve të UÇK-së në Ferizaj me rastin e 28 nëntorit, Ditës së Flamurit. Kryetari i Shoqatës së Familjeve të Dëshmorëve Gafurr Bytyqi, vlerësoi se kjo datë historike është festa më madhështore që ka populli shqiptar.

“Kjo datë ndërlidhet me shumë aktivitete kombëtare dhe patriotike, kështu që ne duhet te jemi krenarë dhe të lumtur që shënojmë këso ditë. Një sakrificë madhështore e bënë dëshmorët e kombit, ata përparësi i dhanë atdheut, kombit dhe bashkimit kombëtar dhe jo interesave të tyre biznesore e familjare, prandaj ftoj qytetetarët e këtij vendi që të bashkëpunojnë dhe të kultivojnë kulturën e bashkimit dhe unitetit të kombit tonë, kurrë mos ta gëzojmë Serbinë. Kujtoj që amaneti i dëshmorëve madje i ka kapërcyer pritjet tona në rrethanat se si është çliruar Kosova dhe si na kanë ndihmuar të tjerët, unë jam shumë i kënaqur me këto arritje, nuk kanë të ndaluar, ato duhet të shkojnë deri në fund për t’u plotësuar amaneti i dëshmorëve”, tha Gafurr Bytyqi.

Të kënaqur me pjesëmarrjen e qytetarëve në homazhet që organizohen në nderim të dëshmorëve, u shprehen edhe familjarët e dëshmorëve të kësaj ane. Vëllai i heroit Rexhep Bislimi, Kemajli Bislimi, tha se progreset që po arrihen në vendin tonë i motivojnë edhe më shumë për të besuar në të ardhmen.

“Më lejoni që në këtë festë mbarëkombëtare të bëjmë një dimension të evokimit të së kaluarës jo të lehtë, por të dhimbshme, madje dhe njëkohësisht edhe të të arriturave që kemi pas këtyre nëntorëve të njëpasnjëshëm të cilat na japin një motiv shtesë që e ardhmja është më premtuese sesa ajo që kemi lënë pas”, tha Bislimi.

Përveç homazheve, në komunën e Ferizajt nuk pati ndonjë aktivitet tjetër që shënoi Festën e Flamurit, ndërkaq përpos institucioneve publike sot nuk punuan pothuajse edhe shumica e firmave private të këtij qyteti.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.