Ferizaj

Gjykatësi Krasniqi i ikë kronologjisë, të dëmtuarit kërkojnë zëvendësimin e trupit gjykues

Published

8 years ago

29 November, 2018

Gjykata e Ferizajt vazhdon me zvarritjen e gjykimit të ish-drejtorit Faik Grainca, i cili akuzohet për keqpërdorim të pozitës zyrtare dhe falsifikim të dokumentit, pasi as sot nuk përfundoi me dëgjimin e planifikuar të palës së dëmtuar, duke e shtyrë sesionin e nesërm për 11 dhjetor.

Në sesionin e paraditës, dëshminë e tij e vazhdoi Imri Haliti i cili ishte në radhë t’i përgjigjej pyetjeve të parashtruara nga i akuzuari Faik Grainca. Grainca tha se ka fakte që pala e dëmtuar kishte drekuar me prokurorë të Ferizajt në restorantin “Adriani”, gjë të cilën Haliti e mohoi.

“Një pyetje konkrete, a ke drekuar me një tavolinë me zyrtarin e Departamentit të Krimeve Ekonomike dhe me dy prokurorë të Prokurorisë Themelore, Ekrem Koxha dhe dy prokurorë të tjerë, nuk ua di emrat, por e di që janë prokurorë”, pyeti Grainca.

“Jo asnjëherë dhe kjo është shpifje nga i akuzuari, nuk është e vërtetë”, u përgjigj Imri Haliti.

“Do të thotë ju nuk keni qenë asnjëherë në restorantin “Adriana” ju dhe dy prokurorë dhe zyrtari nga Departamenti i Krimeve Ekonomike”, vazhdoi Grainca.

“Jo, është e vërtetë që nuk kam dreku kurrë, por le ta tregon kohën, ditën dhe kush kanë qenë ata prokurorë, pasi kjo është shpifje nga i akuzuari”, tha Haliti.

“Ne nuk mundemi me detyru me tregu kohën, kjo është pyetje e tij dhe jo e jona”, tha gjykatësi Sahit Krasniqi.

“Me rëndësi është që gjykata le ta konstaton që përgjigjia është jo dhe unë në procedurat e mëtutjeshme e vërtetoj të kundërtën”,tha Grainca.

Në cilësinë e palës së dëmtuar dëshminë e tij e dha edhe Bekim Haliti, po ashtu banor i rrugës “Astrit Bytyqi”. Në kërkesën e parreshtur për të paraqitur rrjedhën kronologjike të veprës penale për të cilën akuzohet ish-drejtori Grainca, trupi gjykues prerazi kërkoi përqëndrimin e dëshmisë vetëm në veprën e dyshuar penale duke anashkaluar kontekstin kohor, motivet dhe dëshminë e dëshmitarit për përfshirje eventuale të personave të tjerë në bashkëkryerje te veprës penale.

“Definitivisht nëse nuk më lejohet të bëj një kronologji të mëhershme nuk më mbetet tjetër pos me shiku me bë një ankesë me u ndërru trupi gjykues, pasi kjo lëndë lidhet drejtpërdrejtë, këto ndryshime nuk kanë ndodhur siç është e fokusuar në aktakuzë, këto ndryshime kanë ndodhur në vitin 2015, qartë shihet se kush është iniciatori i ndryshimeve. Revidimi i planeve rregulluese është kontraktu një kompani, është shpenzu buxheti i komunës, ka pas falsifikime dhe në fund është kthy si proces i paligjshëm, ato kanë qenë edhe taksa të mia dhe është absurde si nuk po merret prokuroria dhe gjykata me këtë rast kur dhe lidhet me këtë lëndë, po ashtue dhe anëtarët e komisionit që janë liruar është e çuditshme pasi gjithë ka qenë dashtë të jenë të akuzuar”, tha Bekim Haliti.

“Nuk mundesh ti me na akuzu neve me thanë që kërkon përjashtim të trupit gjykues, ne e kemi aktakuzën përpara dhe në kuadër të saj do të sqarohen të gjitha”, tha Sahit Krasniqi nga trupi gjykues.

”Palët lejohet të paraqesin propozime për prova të reja, mirëpo të gjitha ato propozime duhet të jenë në kuadër të aktakuzës që e ka ngritë prokurori i shtetit”, u shpreh anëtari tjetër i trupit gjykues.

Seanca e ndërprerë sot për shkak të agjendës së prokurorit të shtetit Arben Ismajli, do të vazhdoj më 11 dhjetor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

17 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar