Kosovë

Presidentja Osmani “gozhdon” ambasadorin rus në OKB

Published

7 months ago

24 October, 2023

Në fjalimin e saj para anëtarëve të Këshillit të Sigurimit të Kombeve të Bashkuara , presidentja e Kosovës, Vjosa Osmani , tha se më 24 shtator plani i Serbisë ishte “destabilizimi i rajonit” të Ballkanit Perëndimor dhe jo vetëm i Kosovës.

Duke iu përgjigjur njëkohësisht edhe përfaqësuesit të Rusisë në KS-të OKB-së, Vasily Nebenzya, i cili teksa foli për sulmin e armatosur në Banjskë e quajti si “të ekzagjeruar” dhe akuzoi Kosovën për “shtypje” të serbëve”, presidentja Osmani tha se mjafton të dëgjohet fjalimi i Federatës Ruse për të kuptuar se cila palë po thotë të vërtetën dhe cila po hedh falsifikime përmes një makinerie propagandistike.

“Rusia edhe një herë përdori propagandë kundër popullit të Kosovës dhe kundër atyre që luftuan për lirinë e Kosovës, Ushtrisë Çlirimtare të Kosovës. Dallimi më i madh mes Kosovës dhe Serbisë është se ne nuk kemi frikë nga drejtësia, prandaj edhe ne vetë kemi krijuar dhomat e specializuara sepse nuk do të lejojmë që të krijohet një ekuivalencë morale mes atyre që kryen gjenocid dhe atyre që mbrojtën popullin tonë nga gjenocidi, siç ishte rasti në të kaluarën, ne kemi besim të plotë se drejtësia do të triumfojë përsëri. …. Ju dëgjuat Rusinë dhe zonjushën Bërnabiq sot duke folur për të ashtuquajturin ‘terror të Kurtit’, tha Osmani duke shtuar se “Kurti është kryeministër i Republikës së Kosovës, por ka qenë edhe i burgosur lufte, pothuajse i torturuar deri në vdekje në burgjet e tyre, ndërsa presidenti i Serbisë po ato vite ishte Ministër i Propagandës për Millosheviqin. Dhe sikur të mos mjaftonte, ata publikisht deklarojnë edhe në ditët e sotme, përfshirë edhe mbrëmë nga presidenti i Serbisë, se dëshirojnë që Kurtin të mos e kishin liruar kurrë të gjallë nga burgjet. Mirëpo përsëri, kryeministri i Kosovës ka zgjedhur dialogun. Në atë tryezë, të udhëhequr nga negociatorët e BE-së, në njërën anë keni kryeministrin e Kosovës, një i burgosur lufte pothuajse i torturuar për vdekje, dhe në anën tjetër keni ministrin e propagandës, të regjimit që e torturoi. Por ne kurrë nuk do të heqim dorë nga dialogu si mjeti i vetëm për zgjidhjen e çdo mosmarrëveshjeje mes nesh, sepse Kosova është një vend plot me Mandela, Gandi dhe Martin Luther King-a, me njerëz që përpiqen për të ardhmen, për paqen dhe pajtimin”.

“Ne duam paqe dhe Serbia e dëshmoi më 24 shtator se do luftë. Por, ne nuk do ta lejojmë të ndodhë kjo”, u shpreh presidentja Osmani duke theksuar gjithashtu se parlamenti, qeveria, çdo institucion e çdo shtëpi në Republikën e Kosovës është plot me të mbijetuar të krimeve të tmerrshme, por të gjithë janë të përkushtuar dhe duke punuar për paqen.

Related Topics:OKB Rusia Serbia Terroristë Vjosa Osmani

Up Next

Mali i Zi refuzon ta ekstradojë një të dyshuar për krime lufte në Kosovë

Don't Miss

Kurti: Sulmin terrorist në Banjskë e ka organizuar Klani i Novi Sadit

Click to comment

Kosovë

Arratiset Enver Sekiraqa

Published

12 hours ago

18 May, 2024

Redaksia

Policia e Kosovës ka njoftuar se Enver Sekiraqa është arratisur pasi nuk është gjetur në shtëpi gjatë të premtes dhe të shtunës. Ai duhej të kthehej në paraburgim pasi dy ditë më parë, Gjykata e Apelit vendosi për ndryshimin e masës së sigurisë ndaj tij.

Bazuar në aktvendimin e pranuar nga Gjykata e Apelit dhe mos gjetjes së Sekiraqës, policia ka ndërmarrë masat e nevojshme për informim dhe ndalim të tij, në të gjitha vendkalimet kufitare dhe drejtoritë rajonale policore.

Njoftimi i policisë:

“Policia e Kosovës, bazuar në aktvendimin e pranuar të Gjykatës së Apelit, të datës 17.05.2024, për ndryshim të masës së sigurisë së të pandehurit Enver Sekiraqa, sipas procedurave dhe mandatit të saj ligjor i ka dërguar ftesën të njëjtit, mirëpo i njëjti nuk është hasur në vendbanimin e tij në rrugën ‘Vëllezërit Fazliu’ Prishtinë.

Meqë i njëjti nuk është hasur në shtëpi, Policia e Kosovës, përmes zyrtarëve kompetent, ka njoftuar organet e drejtësisë se ftesa zyrtare i është dërguar të pandehurit Sekiraqa, mirëpo i njëjti nuk është hasur në shtëpi. Po ashtu sot me datën 18.05.2024, për të zbatuar aktvendimin e Gjykatës së Apelit, ku i dyshuari duhet të dërgohet në paraburgim, zyrtarët policorë e kanë kërkuar të njëjtin, por nuk e kanë hasur në shtëpi.

Veprimet e mëtejme policore, do të bazohen në procedurat e parapara ligjore, aktvendimin dhe rekomandimet e organeve të drejtësisë. Njëkohësisht Policia e Kosovës ka ndërmarrë masat e nevojshme për informim dhe ndalim në të gjitha vendkalimet kufitare dhe drejtoritë rajonale policore, ndaj të pandehurit”.

Kosovë

Deri më 24 maj regjistrimi i popullatës mund të kryhet vetëm nga stafi i ASK-së

Published

18 hours ago

18 May, 2024

Redaksia

Agjencia e Statistikave së Kosovës ka njoftuar se regjistrimi i popullsisë është shtyrë deri më 24 maj 2024. Në njoftim bëhet e ditur se shtyrja e afatit u mundësua pas miratimit në Qeveri të propozimit nga ASK-ja bazuar në kërkesën e disa komunave .

“Meqenëse Regjistrimi i Popullsisë në terren, sipas Vendimin të Qeverisë të datës 21 nëntor 2023 ishte deri më 17 Maj 2024, bazuar në kërkesat e disa komunave dhe duke u bazuar në sistemin monitorues që ka ngritur Agjencia e Statistikave të Kosovës (ASK) për ta monitoruar ecurinë e procesit, vlerësuam se mund të ketë individë, ekonomi familjare ose edhe ata që kanë refuzuar (për momentin) dhe kërkuam nga Qeveria një shtyrje të afatit të Regjistrimit të Popullsisë (ReKos2024) deri më 24 Maj 2024 që është aprovuar nga ana e Qeverisë”, thuhet në njoftimin e ASK-së.

ASK thotë se gjatë kësaj periudhe, regjistrimi do të bëhet në çdo zonë regjistruese (fshat e komunë) të Kosovës dhe do të zhvillohen vetëm nga stafi i Agjencisë së Statistikave të Kosovës.

Po ashtu ASK bën thirrje për qytetarët që nuk janë regjistruar të kërkojnë të regjistrohen, duke inkurajuar ata që t’i kontaktojnë zyrtarët e Agjencisë së Statistikave të Kosovës.