Kosovë
Haradinaj demanton kolegët opozitarë, thotë se në takim e lexoi draft-statutin për Asociacionin
Pas takimit të zhvilluar me të dërguarin e posaçëm të Bashkimit Europian për dialog mes Kosovës dhe Serbisë, Mirosllav Lajçak, krerët e partive opozitare konfirmuan se në zyrën BE-së u bisedua për draft-statutin e Asociacionit të komunave me shumicë serbe dhe disa çështje të tjera.
Në deklarimin e tij për media , kryetari i PDK-së, Memli Krasniqi tha se në takim, Lajçak nuk ua ka prezantuar tekstin integral të draftit për Asociacionin, por që u ka thënë se drafti është në përputhje me Kushtetutën e Kosovës.
Krasniqi u shpreh i shqetësuar për mos bërjen publike të draftit duke dyshuar se aty mund të fshihet diçka, duke përdorur një shprehje siç tha ndërkombëtare “dreqi fshihet në detaje”.
“Shqetësimet tona vazhdojnë të jenë prezentë për arsye sepse nuk jemi të njoftuar në detajet e siç thotë një shprehje “dreqi fshihet në detaje”. Neve na duhet t’i shohim detajet e tekstit për të qenë të sigurt se një themelim i Asociacionit nuk do ta ndryshojë për të keq karakterin unitar të shtetit tonë dhe nuk do ta transformojë Kosovën nga idealet e themeluesve të saj”, tha Krasniqi.
Edhe nënkryetari i LDK-së, Lutfi Haziri tha se në këtë takim nuk është biseduar në veçanti për temën e asociacionit.
Haziri tha se vlerëson angazhimin e Lajçak për takim me opozitën, përkundër që, siç u shpreh, vazhdojnë të mbeten në “terr” sa i përket mos zbardhjes së draftit të Asociacionit të komunave me shumicë serbe.
Nënkryetari i LDK-së u shpreh se Lajçak u ka treguar që Kosova i ka thënë “po” planit të sekuencimit dhe zbatimin e marrëveshjes sipas modelit europian, përderisa vlerësoi se është rëndësishme që drafti të shihet në detaje dhe të analizohet.
“Ajo që është e rëndësishme është se dokumenti, drafti i moderuar për Kosovën duhet me u pa në detaje sepse duhet me u lexu, e me u studiu , me u analizu dhe atë mundësi besoj se do ta kemi kur të vlerësojnë të tjerët sepse ne vazhdojmë të mbahemi në parimet e njëjta “, ka thënë Haziri.
Por, kryetari i AAK-së, Ramush Haradinaj në deklarimin e tij para mediave demantoi kolegët opozitarë sa i përket temës së asociacionit.
Për dallim nga kolegët e tij, Haradinaj tha se në takim me Lajçakun kanë pasur mundësi të njoftohen me dokumentin e draft-statutit , ta lexojnë atë në tërësi si dhe të bisedojnë për hapat e mëtejmë që e presin Kosovën në bazë të planit franko-gjerman.
“E kemi lexuar draftin në tërësi, drafti i shpjegon të gjitha mundësitë që asociacioni ia jep komunave me shumicë serbe, kuptohet çdo herë i referohet Kushtetutës dhe ligjeve të Kosovës. Në këtë draft nuk ndryshohen përgjegjësitë e komunave, komentet se a pajtohemi më këtë draft do ti japim për shqyrtimit nga Gjykata Kushtetuese. Në hyrje të dokumentit shpjegohet se drafti duhet të shqyrtohet nga Kushtetuesja dhe të gjitha aktet tjera”, tha mes tjerash Haradinaj.
-
Ferizaj23 hours agoArrestohet edhe një i dyshuar për plagosjen që ndodhi në prill të këtij viti në Ferizaj
-
Kosovë1 week agoKosova nuk e pranon Asociacionin si kusht për anëtarësim në Këshillin e Evropës
-
Kosovë1 week agoDurmishi konfirmoi se Prokuroria Speciale e ftoi si të dyshuar
-
Kosovë3 days agoSBASHK-u fton anëtarësinë të mos nënshkruajnë kontratën e ndryshuar të punës
-
Kosovë4 days agoArrestohet pasi i dërgoi mesazhe ofenduese dhe seksuale një gruaje
-
Botë3 days agoQeveria e Sllovakisë konfirmon atentatin dhe plagosjen e kryeministrit Fico
-
Kosovë4 days agoPolicia konfiskon armë e municione në Zveçan
-
Ferizaj2 days agoSeanca e rigjykimit ndaj Krivaqës dhe Sejdiut shtyhet për 24 maj
-
Kosovë5 days agoNjë serb i Kosovës arrestohet për vepra penale kundër rendit kushtetues
-
Kosovë5 days agoTërmeti që goditi rrethinën e Malishevës ishte me intensitet të ulët
-
Ferizaj5 days agoBrenda një jave raportohen 3 raste të dhunës në familje në rajonin e Ferizajt
-
Kosovë1 week agoPresidentja Osmani mëson pilotimin e helikopterit në Amerikë
-
Ferizaj1 week agoFerizajasi gjen para në rrugë dhe i dorëzon në polici
-
Ferizaj2 hours agoNga 500 € gjobë dhe 12 muaj ndalesë dy shoferëve për gara të shpejtësisë në Ferizaj
-
Kosovë2 hours agoHumb jetën nga kontakti me rrymën elektrike
-
Kosovë1 hour agoShembja e dheut bllokon rrugën Gjakovë-Klinë