Ferizaj

Tenton grabitjen me pistoletë plastike

Published

8 years ago

12 December, 2018

Rastet kur grabitësit tentojnë vjedhjen përmes pistoletave drejtuar punonjësve të dyqaneve apo institucioneve tjera financiare, nuk janë të rralla në Kosovë, por as në Ferizaj. Një pistoletë plastike e përdorur në një rast të tentimit të një grabitjeje ishte shkak që një ferizajas të arrestohet. E gjithë ngjarja e ndodhur dje në njërën nga pikat e ”Capital Ria” në rrugën ”Bajram dhe Gursel Sylejmani” në Ferizaj, rrëfehet nga punëtorja e kësaj pike për transferimin e parave, Fatmire Karaliti.

“Ka ardhë i maskuar me një shallë edhe unë në atë moment kam menduar se koha e ftohtë dhe nuk më është dukur diçka tragjike, më pas kur është afruar më tha qiti krejt paratë çka i ki, i thashë që nuk kam para dhe u mundoja të sillem në mënyrë të butë me të, thashë po e thërras shefin dhe ai i sjellë paratë, unë e kam thirrë shefin dhe e kam lënë në lidhje telefonin dhe ai e ka dëgju se si është puna, por prapë unë mendoja që ndoshta nuk është duke e kuptu se çka po ndodhë, ai tentoi me ma kap telefonin dhe ma ka drejtu armën, por unë jam mundu me të gjitha forcat e mia me rezistu, mandej ka ardhë vëllai i shefit e atëherë jam ndjerë rehat”, tha Karaliti.

Karaliti, tregon se grabitësi kishte tentuar të përdorë edhe dhunë fizike ndaj saj.

“Ka tentu me i mëshu derës, unë e kam pas çantën time afër dhe në një moment e ka kapur çantën e ka ngre, por është këput, unë vet kam qenë në atë kohë, ai e mbylli derën e lokalit, tentonte me më mëshu, por unë prapë u mundojsha me u sillë mirë me të”, tha Karaliti.

Ndërsa, në Policinë e Ferizajt thanë se grabitësi 29 vjeçar është duke u mbajtur në Stacionin Policor, në bazë të urdhërit të prokurorit.

“Dje rreth orës 10:30 minuta në rrugën “Bajram dhe Gursel Sylejmani’’ është raportuar një rast për tentim grabitje. Policia menjëherë ka dalë në vend të ngjarjes dhe falë gjeturisë së pronarit të asaj pike për këmbim parash, Policia e ka arrestuar të dyshuarin 29 vjeçar në vendin e ngjarjes, më pas është intervistuar i dyshuari, është bërë kallëzim penal dhe me urdhër të prokurorit i dyshuari është 48 orë në mbajtje policore deri në hapat e mëtutjeshëm para drejtësisë. Është e vërtetë se në fund ka rezultuar se arma ka qenë plastike, por kjo nuk e përjashton nga përgjegjësia penale”, tha Gashi.

Merret vesh se grabitësi nuk është mirë mentalisht.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar