Ferizaj

Mbahet koncert për mosdiskriminim të fëmijëve

Published

8 years ago

12 December, 2018

Në kuadër të projektit “Fuqizimi i përfshirjes së zyrtarëve komunal në ofrimin e shërbimeve sociale dhe familjare”, organizata INPO në bashkëpunim me grupin punues komunal, organizuan sot një koncert muzikor në Ferizaj, me fëmijë të familjeve që marrin asistencë sociale dhe moshatarë të tyre që vijnë nga shkolla të ndryshme të kësaj komune.

Arbenita Topalli nga INPO, tregoi se ky aktivitet synon që për festat e fundvitit t’i bashkojë fëmijët e riatdhesuar dhe ata me gjendje të vështirë ekonomike për t’i argëtuar me një program artistik.

“Projekti është duke u realizuar me aktivitete kulturore që përmes tyre këta fëmijë të jenë më të risocializuar dhe të kenë më shumë gjithpërfshirje krahas moshatarëve të tyre që janë së bashku në lagje, shkollë apo kudo”, u shpreh Arbenita Topalli.

Ndërkaq, Dashurije Ahmeti nga Drejtoria e Kulturës, e cila është pjesëmarrëse e këtij projekti, tregoi se gjatë këtij viti që po lëmë pas, aktivitetet që janë zhvilluar me fëmijët e familjeve me asistencë sociale, por edhe ata që tashmë janë kthyer në vendlindje nga mërgimi, kanë vënë në pah shumë probleme dhe sfida me të cilat ata përballen çdo ditë të jetës së tyre.

“Si grup komunal që po merremi me këtë projekt gjatë këtij viti jemi sfiduar me çështjen e banimit, që shumë prej këtyre familjeve akoma nuk e kanë të siguruar, pasi që gjendjen e tyre sociale, apo edhe shëndetin e tyre të lig jemi munduar që me aktivitete të ndryshme ta zbusim, por që ajo që kërkon më shumë buxhet dhe dorën e institucionit qeveritar është çështja e banimit të përhershëm për ta“, tha Dashurije Ahmeti.

Fëmijët e familjeve me gjendje të vështirë ekonomike si dhe ata të familjeve të riatdhesuara, përveç që u kënaqën me koncertin në të cilin kënduan këngëtarë të vegjël të kësaj komune, ata po ashtu fituan edhe dhurata të cilat ishin sjellë kryesisht nga bashkëmoshatarët e tyre të kësaj komune.

Ferizaj

Në Ferizaj raportohen katër bankënota të dyshuara nga 500 €

Published

10 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

10 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.