Klubi “Haki Braha” me telegram ngushëllimi për vdekjen e Ali Sinanit

Published

7 years ago

13 December, 2018

Klubi i gazetarëve “Haki Braha” në Ferizaj, ka shprehur ngushëllime për vdekjen e Ali Sinanit, përgjegjës për media në kazermën e Doktrinës dhe Stërvitjes “Skendërbeu” në Ferizaj.

Gazetarët ferizajas, përmes një telegrami ngushëllimi, thanë se e ndjejnë thellë humbjen e Sinanit, i cili nuk do të harrohet kurrë për punën e palodhshme dhe bashkëpunimin me mediat e këtushme.

Më poshtë gjeni të plotë telegramin e ngushëllimit të klubit ”Haki Braha” dërguar familjes Sinani.

E nderuara familje Sinani

Të nderuar pjesëtarë të Komandës së Doktrinës dhe Stërvitjes në Ferizaj.

Me pikëllim të thellë morëm lajmin për humbjen e një njeriu të vyeshëm e të lidhur ngusht me profesionin, Ali Sinanit- përgjegjës për media në kazermën e FSK-së “Skendërbeu” në Ferizaj.

Me sinqeritet e themi se ne si gazetarë ferizajas kishim një bashkëpunim shumë profesional me Aliun, prandaj e ndjejmë thellë humbjen e tij.

Të rrallë janë personailtete si ai, fjalëpak, i përkushtuar e shumë atdhedashës.

Edhe për nesër e kemi ëndërruar që më të, të kontaktojmë e t’i gëzohemi themelimit të Ushtrisë bashkë, por fati e paska paraparë ndryshe.

Ali, të falënderojmë përjetësisht për të gjitha që ke bërë për ne. Veprat e tua le të jenë udhërrëfyesi më i mirë në botën e përtejme duke na bërë që kurrë mos ta harrojmë dikë si ti.

Me pikëllim Klubi i gazetarëve “Haki Braha” – Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim