Ferizaj

Gjykata kthen në punë Shefqet Hajredinin dhe Xhelal Musën

Published

8 years ago

20 December, 2018

Gjykata Themelore e Ferizajt ka marrë vendim për kthimin në punë të Shefqet Hajredinit dhe Xhelal Musës, të larguar nga pozita e anëtarëve të bordit të ndërmarrjes ”Bifurkacioni” në Ferizaj. Hajredinit dhe Musës që ishin larguar nga puna në mars të këtij viti, në bazë të vendimit të Gjykatës do t’u kompensohen pagat në vlerë mbi 300 euro për muaj.

“Më datën 20.04.2018, kemi shfrytëzuar të drejtën tonë dhe iu kemi drejtuar Gjykatës Themelore në Ferizaj dhe pas katër seancave gjyqësore Gjykata Themelore në Ferizaj më 29.10.2018 ka marrë aktgjykim që të aprovohet kërkesë padia e Shefqet Hajredinit dhe Xhelal Musës si e bazuar duke anuluar vendimin e datës 23.03.2018 i nxjerrë nga komisioni i aksionarëve të ndërmarrjes “Bifurkacioni”, do të thotë detyrohen që paditësit t’i sistematizoj në vendin e punës me të gjitha të drejtat dhe detyrimet brenda afatit 7 ditësh, ku përfshihet edhe kompensimi i të ardhurave personale deri në kthimin në vendin e punës. Arsyet që na kanë larguar kanë qenë të ndryshme, por jo të bazuara, kinse mosperformanca e kompanisë, pasqyrat financiare nuk janë sipas standardeve, por të gjitha gjitha këto gjykata i ka hedhur poshtë”, tha Hajredini.

Pas këtij vendimi të Gjykatës Themelore të Ferizajt, komuna e Ferizajt është ankuar në Gjykatën e Apelit, për çka Hajredini thotë se komuna po përdor standarde të dyfishta.

“Kryetari i komunës Agim Aliu po përdor standarde të dyfishta ndaj qytetarëve të Ferizajt, si argument e kemi rastin e Asllan Bajramit drejtorit të QKMF-së, ku me vendimin e shkallës së parë të gjykatës e kthen në vendin e punës, kurse për neve i detyron vartësit e tij që të ankohen në Gjykatën e Apelit në Prishtinë, çka ne e konsiderojmë si të padrejtë këtë vendim që ka ndërmarrë ndaj nesh”, tha Hajredini.

Sipas vendimit të Gjykatës, shuma që ndërmarrja ”Bifurkacioni” detyrohet t’ua paguaj Hajredinit dhe Musës kap vlerën e mbi 6 mijë eurove, ndërsa komuna e Ferizajt obligohet që paditësve t’ua paguaj shpenzimet e përgjithshme të procedurës në shumë të përgjithshme rreth 1 mijë euro.

Tv Tema tentoi të marrë një përgjigje nga komuna e Ferizajt, mirëpo zyrtarë të saj të kontaktuar gjatë gjithë paraditës, na thanë se nuk mund të prononcohen për këtë sepse po presin epilogun gjyqësor.

Ferizaj

Në Ferizaj raportohen katër bankënota të dyshuara nga 500 €

Published

10 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

11 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.